نیویارک : عالمی منڈی میں خام تیل کی قیمت پانچ ماہ کم ترین سطح پر آگئی۔
عالمی منڈی میں خام تیل کی قیمت میں نمایاں کمی دیکھی گئی اور قیمت 5 ماہ کی کم ترین سطح پر آگئی، ایشیائی منڈیوں میں خام تیل کی قیمت میں ڈیڑھ ڈالر کی کمی ریکارڈ کی گئی، گزشتہ پانچ دن میں خام تیل کی قیمت میں چار ڈالر چھیاسٹھ سینٹس کی نمایاں کمی ریکارڈ کی گئی۔
امریکی خام تیل کی قیمت چوالیس ڈالر بیس سینٹس جبکہ نارتھ برینٹ خام تیل کی قیمت سینتالیس ڈالر بیس سینٹ ہوگئی۔
عالمی منڈی میں خام تیل کی قیمتوں میں کمی کی وجہ طلب سے زیادہ فراہمی ہے۔ تاہم ابھی تک اوپیک اور نان اوپیک ممالک کی جانب سے پیداوار میں کمی کے معاہدے کی مزید توسیع کا فیصلہ نہیں لیا گیا ہے۔
تیل برآمدی ممالک کا اجلا پچیس مئی کو ہوگا۔
مزید پڑھیں : خام تیل کی قیمت 3 ماہ کی کم ترین سطح پر
دوسری جانب امریکی شرح سود میں اضافے کی توقعات پر ڈالر کی قدر عالمی مارکیٹ میں بڑھ رہی ہے جو خام تیل کی قیمت کو مزید کم کر رہی ہے، معاشی تجزیہ کاروں کا کہنا ہے کہ اس کمی سے مقامی منڈیوں میں پیٹرولیم مصنوعات کی قیمتوں میں کمی متوقع ہے
