اسلام آباد: اگست کے مہینے میں تیسری بار خام تیل کی قیمتوں میں کمی کا رجحان دیکھنےمیں آیا، خام تیل کی عالمی قیمت میں دو فیصد تک کی کمی ریکارڈ کی گئی۔
تفصیلات کے مطابق عالمی منڈی میں خام تیل قیمتوں میں کمی کا رجحان ریکارڈ کیا جا رہا ہے، ایشیائی منڈیوں میں امریکی خام تیل کی قیمت پچاس سینٹس کمی کے بعد چوالیس ڈالر جبکہ نارتھ برینٹ خام تیل کی قیمت ایک ڈالر کمی کے ساتھ اڑتالیس ڈالر فی بیرل پر ٹریڈ کر رہی ہے۔
معاشی تجزیہ کاروں کے مطابق امریکی خام تیل کے اعداد وشمار میں بہتری نہ ہونے کے باعث خام تیل کی قیمتوں میں مزید کمی متوقع ہے۔
