نارتھ یارکشائر میں سمندر میں آئل ٹینکر اور کارگوشپ خوفناک تصادم میں تباہ ہو گئے۔
برطانوی میڈیا رپورٹس کے مطابق حادثہ نارتھ یارکشائر کے شہر ہُل کےقریب شمالی سمندر میں پیش آیا جہاں آئل سے بھرا ٹینکر اور کارگوشپ ٹکرا گئے۔
تصادم کے نتیجے میں درجنوں افراد کے زخمی ہونےکی اطلاعات ہیں جب کہ 32 کے قریب زخمیوں کو ساحل پر لایا جا چکا ہے۔
زخمی ہونے والوں میں 9 پائلٹس اور عملے کے دیگر افراد شامل ہیں۔ حادثے کے بعد سے کئی افراد لاپتہ بھی ہیں۔
آئل ٹینکر کو حادثے کے بعد آگ لگ گئی جس کا دھواں دور دور تک دیکھا جا سکتا ہے۔ فائرسروس اور ریسکیو عملہ آگ پر قابو پانے اور ریسکیوآپریشن کےلیے موقع پر موجود ہے۔
