اوکاڑہ: پنجاب کے شہر اوکاڑہ میں ایک کار سوار فیملی سے لوٹ مار کی واردات کی گئی، واردات کے وقت کار کے قریب سے پولیس اہلکار بھی قریب سے گزر گیا تھا لیکن انھوں نے کوئی کارروائی نہیں کی۔
تفصیلات کے مطابق اوکاڑہ میں تھانہ اے ڈویژن کی حدود میں گزشتہ روز ایک کار سوار فیملی سے لوٹ مار کی گئی، ایک فوٹیج سامنے آئی ہے جس میں واردات کے وقت پولیس اہل کار کو بھی موٹر سائیکل پر پاس سے گزرتے دیکھا جا سکتا ہے۔
اے آر وائی نیوز پر خبر نشر ہونے کے بعد ڈی پی او نے واقعے کا نوٹس لے لیا، ترجمان پولیس نے کہا کہ ملزمان کو جلد سی سی ٹی وی فوٹیج کی مدد سے گرفتار کیا جائے گا۔
اوکاڑہ : تھانہ اے ڈویژن کی حدود گورنمنٹ کالونی روڈ پر کار سوار فیملی کے ساتھ ڈکیتی کی مبینہ واردات۔
دن دھاڑے نامعلوم ڈاکو اسلحہ کے زور پر 90 ہزار روپےتین تولہ طلائی زیور اور دو موبائل فون چھین کر فرار۔
@okarapolice @OfficialDPRPP @RpoSahiwal pic.twitter.com/oMMcKhDU9c— (@RAdnanHussain2) April 30, 2023
ترجمان نے کہا کہ جائے واردات کے قریب سے گزرنے والے اہل کار کے خلاف بھی محکمانہ کارروائی ہوگی، پولیس اہل کار نے لوٹ مار کے وقت ڈاکوؤں کے خلاف کوئی ایکشن نہیں لیا تھا۔