لاہور سے شادی میں شرکت کے لیے آنے والے مہمان خاندان پر فائرنگ کے نتیجے میں 2 بھائی موقع پر جاں بحق ہوگئے۔
اے آر وائی نیوز کے مطابق لاہور سے شادی میں شرکت کے لیے آنے والے مہمان خاندان پر رشتے کے تنازع پر فائرنگ کرکے دو بھائیوں کو قتل اور والد اور بہو کو زخمی کردیا گیا۔
مہدی حسن اپنے دو بیٹوں اور بہو کے ساتھ بھتیجے کی شادی میں آئے ہوئے تھے۔
رشتے کے جھگڑے پر راشد نامی ملزم نے ساتھیوں کے ساتھ گھر میں گھس کر فائرنگ کی جس سے شہزاد اور اللہ دتہ جاں بحق ہوئے۔
زخمیوں میں ایک کی حالت تشویشناک بتائی جارہی ہے، شدید فائرنگ سے علاقے میں خوف و ہراس پھیل گیا۔
تھانہ صدر پولیس اور ڈی پی او منصور امان موقع پر پہنچ گئے زخمیوں اور نعشوں کو ڈی ایچ کیو منتقل کر دیا گیا ڈی پی او اوکاڑہ منصور امان کا واقعہ کا نوٹس ڈی ایس پی صدر کی سربراہی میں ٹیم تشکیل دے دی گئی ملزم کو فوری گرفتار کرنے کا حکم دے دیا گیا ہے۔
پولیس نے ملزمان کی گرفتاری کے لیے چھاپے مارنا شروع کر دیے۔
