اسلام آباد: پارلیمانی سیکرٹری رانا اسحاق خان نے دعویٰ کیا کہ آئی ایم ایف سے پیسے آنے کے بعد ڈالر 190 سے 210 تک آجائے گا۔
تفصیلات کے مطابق چیئرمین سینیٹ صادق سنجرانی کی زیر صدارت اجلاس ہوا، جس میں خوردنی اشیاکی قیمتوں میں اضافے پر پیپلز پارٹی ارکان نے توجہ دلاؤ نوٹس جمع کرایا۔
پارلیمانی سیکرٹری رانا اسحاق خان نے جواب میں کہا کہ حکومت مہنگائی کا سامنا کرنے والوں کیلئے ریلیف دے رہی ہے، حکومت نے تنخواہوں اور پنشن میں اضافہ کیا ہے۔
رانا اسحاق خان کا کہنا تھا کہ وزیر اعظم شہباز شریف دن رات مہنگائی کم کرنے کیلئے محنت کر رہے ہیں، آئی ایم ایف سے پیسے آجائیں گے، اس کے بعد ڈالر 190 سے 210 تک آجائے گا۔
پارلیمانی سیکرٹری نے مزید بتایاکہ یوٹیلیٹی اسٹورز پر بہت زیادہ سبسڈی دی جا رہی ہے اور خوردنی تیل باہر سے منگا رہے ہیں، کوشش کر رہے ہیں کہ مقامی سطح پر پیدوار بڑھائی جائے۔
