پاکستان تحریک انصاف کے رہنما اور قومی اسمبلی میں اپوزیشن لیڈر عمر ایوب کا کہنا ہے کہ بلوچستان میں فنڈ لگانا، سڑک بنانا سب جھوٹ اور فراڈ ہے۔
اے آر وائی نیوز کے مطابق اپوزیشن لیڈر عمر ایوب نے حکومت پر کڑی تنقید کرتے ہوئے کہا کہ بلوچستان کو منصوبہ کس فنڈ سے دیا جائے گا، دو سال میں 14 ہزار 5 سو 50 ارب روپے کا قرضہ چڑھ گیا یہ سب کچھ دو سال میں ہوا ہے۔
انہوں نے کہا کہ شہباز شریف سے بڑا جھوٹا کوئی نہیں، پیٹرولیم ڈویلپمنٹ لیوی جو انہوں نے لگائی ہے کتنی دیر تک دے سکتے ہیں؟ روپے کی قدر کم ہونے سے ملک پر 14 ہزار 450 ارب قرضہ بڑھا ہے۔
عمرا یوب نے کہا کہ مہنگائی کہاں جارہی ہے ابھی مزید مسائل کھڑے ہوں گے۔
انہوں ںے کہا کہ بلوچستان میں اختر مینگل کا راستہ روکا گیا، قومی اسمبلی میں حکومت کے کسی ایم این اے کو کہا جائے کہ وہ بغیر سیکیورٹی کے بلوچستان جاکر دکھائے، بلوچستان کا وزیر اعلی بغیر سیکیورٹی کے کوئٹہ سے باہر نہیں جاسکتا۔
