The news is by your side.

Advertisement

عمرسرفرازچیمہ نے عہدے سے ہٹانے کے اقدام کے خلاف ہائی کورٹ سے رجوع کرلیا

اسلام آباد : سابق گورنرپنجاب عمرسرفرازچیمہ نے عہدے سے ہٹانے کے اقدام کے خلاف ہائی کورٹ سے رجوع کرلیا۔

تفصیلات کے مطابق سابق گورنرپنجاب عمرسرفرازچیمہ نے عہدے سے ہٹانے کے اقدام کے خلاف درخواست دائر کردی ، درخواست اسلام آباد ہائی کورٹ میں درخواست دائر کی گئی۔

درخواست میں کہا گیا کہ آئین کے مطابق گورنر صوبے میں ایجنٹ ہے ،ایگزیکٹو کا حصہ نہیں ہے، صدر کی خوشنودی پرگورنرعہدے پر قائم رہ سکتا ہے۔

عمرسرفرازچیمہ نے کہا کہ وزیراعظم نے بیٹے کو فائدہ دینے کے لیےغیر قانونی طورپرعہدے سے ہٹایا ، مجھے عہدےسے ہٹانے کا نوٹیفکیشن بغیر اختیار کے اورخلاف آئین ہے۔

دائر درخواست میں سابق گورنرپنجاب کا کہنا تھا کہ مجھےعہدے سے ہٹانے نے صوبے میں آئینی بحران پیدا کیا ، ملک کا سب سے بڑا صوبہ 2ماہ سے بغیر کابینہ کے چل رہا ہے۔

درخواست میں استدعا کی گئی کہ جس نےنوٹیفکیشن جاری کیایا کرایا ان کے خلاف کاروائی کا حکم دیا جائے، نوٹیفکیشن غیر قانونی قرار دےکربطور گورنر عہدے پربحال کیا جائے۔

Comments

یہ بھی پڑھیں