The news is by your side.

کل 2 لانگ مارچ ہوں گے: عمر سرفراز چیمہ

لاہور: صوبہ پنجاب کے مشیر داخلہ عمر سرفراز چیمہ کا کہنا ہے کہ کل 2 لانگ مارچ ہوں گے، ایک اسد عمر اور ایک شاہ محمود نکالیں گے، اگر حالات خراب ہوتے ہیں تو حکومت ہی ذمہ دار ہوگی۔

تفصیلات کے مطابق صوبہ پنجاب کے مشیر داخلہ عمر سرفراز چیمہ کا کہنا ہے کہ کل 2 لانگ مارچ ہوں گے، ایک اسد عمر اور ایک شاہ محمود نکالیں گے، ہمارا مقابلہ جن مافیاز کے ساتھ ہے وہ جرائم پیشہ افراد ہیں۔

عمر سرفراز چیمہ کا کہنا تھا کہ ہم حکومت کے ہر طرح کے ہتھکنڈوں سے واقف ہیں، عمران خان دلیری و بہادری سے مقابلہ کر رہے ہیں۔ عمران خان کے خلاف منظم مہم چلائی گئی، مذہبی منافرت کا پروپیگنڈہ کیا گیا۔

انہوں نے کہا کہ عمران خان پر حملے کے سلسلے میں مجرم سے تحقیقات ہو رہی ہیں، ضمنی انتخابات میں جواب آگیا عوام حکومت کو مسترد کرتی ہے فوری الیکشن کروائیں، اگر حالات خراب ہوتے ہیں تو حکومت ہی ذمہ دار ہوگی۔

عمر سرفراز چیمہ کا مزید کہنا تھا کہ ملکی سیاسی عدم استحکام معیشت کو نقصان پہنچا رہا ہے، اگر الیکشن نہ کروائے گئے تو ملکی حالات خراب ہو جائیں گے۔

Comments

یہ بھی پڑھیں