جڑاوالا: پنجاب میں شادی سے انکار پر درندہ صفت شخص نے اپنی منگیتر پر تیزاب پھینک دیا۔
تفصیلات کے مطابق یہ افسوس ناک واقعہ پنجاب کے شہر جڑانوالا میں پیش آیا، لڑکی کے والدین نے کامران سے بیٹی کی منگنی ختم کردی تھی جس پر لڑکا طعیش میں آگیا۔
ریسکیو ذرایع کا کہنا ہے کہ ملزم کامران نے ساتھی اکمل کے ساتھ مل کر لڑکی پر تیزاب پھینکا، متاثرہ لڑکی کو تشویش ناک حالت میں فیصل آباد ریفر کردیا گیا ہے۔
سی پی او سہیل چوہدری نے تیزاب گردی کے واقعے کا نوٹس لے لیا اور پولیس کو مقدمے کے اندراج اور ملزم کی گرفتاری کی ہدایت جاری کردی۔ ان کا کہنا ہے کہ متاثرہ لڑکی کو انصاف فراہم کریں گے۔
خیال رہے کہ ملک میں تیزاب گردی کے اس سے قبل بھی متعدد واقعات پیش آچکے ہیں۔
کراچی، ناراض بیوی نے شوہر پر تیزاب پھینک دیا
ملک کے مختلف شہروں میں زیادہ تر تیزاب گردی کے واقعات شادی سے انکار پر پیش آئے۔ 9 فروری کو شہر قائد کے علاقے عزیز آباد میں بیوی نے شوہر پر تیزاب پھینک دیا تھا جس کے نتیجے میں شوہر اور 10 سالہ بیٹا زخمی ہوگئے تھے۔
