پشاور: صوبہ خیبرپختونخواہ کے شہر ڈیرہ اسماعیل میں پولیس موبائل کے قریب دھماکے نتیجے میں ایک اہلکار زخمی ہوگیا۔
تفصیلات کے مطابق خیبرپختونخواہ کے شہر ڈیرہ اسماعیل خان میں ہتھالہ کے مقام پر پولیس موبائل کے قریب آئی ای ڈی دھماکہ ہوا جس کے نتیجے میں ایک پولیس اہلکار زخمی ہوگیا۔
دھماکے کی اطلاع ملتے ہی پولیس اور ریسکیو ٹیمیں جائے وقوع کی جانب روانہ ہوگئیں، زخمی پولیس اہلکار طارق کو اسپتال منتقل کردیا گیا جہاں انہیں طبی امداد دی جا رہی ہے۔
سیکیورٹی فورسز نے علاقے کو گھیرے میں لے کر سیل کردیا ہے، قانون نافذ کرنے والے اداروں کی جانب سے سرچ آپریش شروع کردیا گیا ہے۔
لورالائی میں کمشنر آفس کے قریب دھماکہ: پولیس اہلکارشہید
یاد رہے کہ یکم اکتوبر کو بلوچستان کے علاقے لورالائی میں کمشنر آفس کے قریب دھماکا ہوا ہے جس کے نتیجے میں ایک پولیس اہلکار شہید جبکہ دو دہشت گرد ہلاک ہوگئے تھے۔
وزیراعلیٰ بلوچستان جام کمال خان نے خود کش حملہ آورکو روکنے والے اہلکاروں کو خراجِ تحسین پیش کیا تھا۔
کوئٹہ: مدرسے میں نماز جمعہ کے دوران دھماکہ، 7 افراد جاں بحق
اس سے قبل رواں سال اگست میں صوبہ بلوچستان کے دارالحکومت کوئٹہ میں مدرسے میں نماز جمعہ کے دوران دھماکہ ہوا تھا جس میں 7 افراد جاں بحق جبکہ 22 زخمی ہوگئے تھے۔
