راولپنڈی: پاک فوج کے ترجمان نے کہا ہے کہ آپریشن ردالفساد ملک بھر میں کامیابی سے جاری ہے، پنجاب رینجرز نے مختلف علاقوں میں کارروائی کرتے ہوئے 10 مشتبہ افراد کو گرفتار کرکے دھمکا خیز مواد برآمد کرلیا۔
پاک فوج کے تعلقات عامہ کی جانب سے جاری کردہ اعلامیے میں کہا گیا ہے کہ پنجاب رینجرز نے اٹک،راولپنڈی،لاہور،راجن پور،ڈی جی خان میں سرچ آپریشن کئے،جس کے دوران 10مشتبہ افرادگرفتار،دھماکا خیز مواد اور اسلحہ برآمد کیا گیا۔
پڑھیں: ’’ آپریشن رد الفساد جاری، ملک بھر سے سینکڑوں مشتبہ افراد گرفتار ‘‘
دوسری جانب بلوچستان میں ایف سی اور حساس اداروں نے کیچ اور اندور میں کارروائی کی ، دہشت گردوں نے قانون نافذ کرنے والے اداروں کی موجودگی میں اُن پر فائرنگ کی جس کے نتیجے میں ایک ایف سی اہلکار زخمی ہوا۔
مزید پڑھیں: ’’ آپریشن ردالفساد : پاک فوج نے عوام کیلئے ہاٹ لائن متعارف کرادی ‘‘
فورسز نے دہشت گردوں پر جوابی فائرنگ کی تو ایک دہشت گرد مارا گیا اور اُسی مقام سے 12 افراد کو حراست میں لیا گیا جن کے قبضے سے اسلحہ برآمد کیا گیا ہے۔
