لاہور: وزیراعلیٰ پنجاب شہبازشریف کاکہناہےپاک فوج داخلی وخارجی مسائل سےنمٹنےکی پوری صلاحیت رکھتی ہے۔
تفصیلات کےمطابق وزیراعلیٰ پنجاب شہبازشریف سے کورکمانڈر لاہور صادق علی نےملاقات کی،جس میں آپریشن ردالفساد اورسیکیورٹی صورت حال پربات چیت کی گئی۔
اس موقع پروزیراعلیٰ شہبازشریف کاکہناتھاکہ آپریشن رد الفساد سےدہشت گردی کےناسورکاخاتمہ ہوگا۔انہوں نےدہشت گردی کےخلاف پاک فوج کی کامیابیوں کو بھی خراج تحسین پیش کیا۔
مزید پڑھیں: پنجاب میں کالعدم جماعتوں کےخلاف رینجرز کارروائی کرے گی:ایپکس کمیٹی
یاد رہےکہ اس سے قبل گزشتہ دنوں شہبازشریف کا کہناتھاکہ پاک فوج ہرقسم کےچیلنج کا مقابلہ کرنےکی صلاحیت رکھتی ہے،جبکہ ملک کو امن کا گہوارہ بنانے کے لیےسب کو مل کر بھرپورکردار اداکرنا ہے۔
واضح رہےکہ گزشتہ ہفتےوزیراعلیٰ پنجاب کی زیرصدارت ایپکس کمیٹی کے اجلاس میں کالعدم تنظیموں کےخلاف پنجاب میں آپریشن کرنےکافیصلہ کیاگیاتھا۔
