تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

آپریشن ضرب عضب کو دو سال مکمل، 37سو دہشت گرد ہلاک، 513جوان شہید

اسلام آباد: آپریشن ضرب عضب کو دو برس مکمل ہوگئے، اس دوران 3700 دہشت گرد مارے گئے، 22ہزار سےزائد گرفتار کرلیے گئے جبکہ ایف سی اور فوج کے پانچ سو سے زائد جوانوں نےجام شہادت نوش کیا۔
1

آئی ایس پی آر کی طرف سے جاری کردہ اعدادو شمار کے مطابق آپریشن ضرب عضب دو برس قبل سپ سپالار جنرل راحیل شریف کی قیادت میں شروع ہوا۔ اس دوران پاک فوج کے اہلکاروں اور فرنٹیئر کانسٹیبلری کی شمالی و جنوبی وزیرستان میں کارروائیوں میں 37سو دہشت گرد مارے گئے اور 22ہزار سے زائد دہشت گردوں کو گرفتار کرلیا گیا۔

3

رپورٹ کے مطابق کارروائیوں میں دہشت گردوں کی نو سو سے زائد کمین گاہ تباہ کی گئیں۔ ان تمام کارروائیوں کے دوران متعدد افسران و اہلکاروں نے جام شہادت نوش کیا جن میں ایف سی اور فوج کے پانچ سو سے زائد اہلکار شامل ہیں۔

4

آپریشن ضرب عضب کے دو برس مکمل ہونے پر لندن سے وزیراعظم نواز شریف نے پیغام دیا ہے کہ یہ دو سال عزم و ہمت اور استقلال کی داستان ہیں، دہشت گرد جلد تاریخ کے کوڑے دان کا حصہ بن جائیں گے،فوج اور سلامتی کے دیگر اداروں نے ملک کو دہشت گردی کے عفریت سے نجات دلائی ان میں ضرب عضب کی کامیابی میں لہو کا نذرانہ دینے والے شہدا سرفہرست ہیں۔

2

آرمی چیف جنرل راحیل شریف نے کہا ہے کہ ملک دشمنوں کو واپس نہیں آنے دیں گے،انٹیلی جنس بیس آپریشن اور کومبنگ آپریشن جاری رہے گا۔

Comments

- Advertisement -