اسلام آباد: وزیراعظم عمران خان کا کہنا ہے کہ پاکستان اس وقت کرونا جیسی صورت حال کا مقابلہ کررہا ہے لیکن پی ڈی ایم کی قیادت عوام کی زندگی اور تحفظ کا خیال کیے بغیر جلسے کرنا چاہتی ہے، اپوزیشن این آر او حاصل کرنے کے لیے کسی بھی حد تک جاسکتی ہے۔
تفصیلات کے مطابق عمران خان نے سماجی رابطے کی ویب سائٹ ٹوئٹر پر ٹوئٹ کیا کہ اپوزیشن سمجھتی ہے یہ این آر او کے لیے دباؤ ڈالنے کا آخری ذریعہ ہے جو کبھی نہیں ہوگا، ان قائدین کو عوام سے کوئی ہمدردی نہیں ہے، پی ڈی ایم کے قائدین این آر او حاصل کرنے میں کبھی کامیاب نہیں ہوں گے۔
وزیراعظم نے اپوزیشن کو مخاطب کرتے ہوئے کہا کہ انہوں نے اپنی زندگی میں کبھی ایک دن بھی کام نہیں کیا، ان کے “شاہی” طرز زندگی کا انحصار ناجائز اور غیرقانونی دولت پر ہے، ہمارا مقابلہ ایسی سیاسی قیادت سے ہے جو جمہوری جدوجہد سے نہیں گزرے، یہ لوگ عام شہریوں کو درپیش مشکلات سمجھنے سے قاصر ہیں۔
Problem confronting us in Pak during COVID 19 is of a political leadership that has never gone through any democratic struggle, nor worked with ordinary citizens to understand the problems they confront, nor contributed in any substantive way for betterment of ordinary citizens.
— Imran Khan (@ImranKhanPTI) November 29, 2020
ان کا کہنا تھا کہ پی ڈی ایم کی قیادت نے عوامی بہتری کے لیے کسی بھی اہم کام میں کبھی حصہ نہیں لیا، ان کا واحد اور مایوس کن مقصد خاندانوں کی بدعنوانی ارو لوٹی دولت بچانا ہے۔
اپنے ٹوئٹ نے وزیراعظم نے لکھا کہ ہم نے غریبوں اور معیشت کو تباہی سے بچانے کے لیے اسمارٹ لاک ڈاؤن کیا، ان رہنماؤں نے اسمارٹ لاک ڈاؤن کی مخالفت اور مکمل لاک ڈاؤن کا مطالبہ کیا، اب دوبارہ اسمارٹ لاک ڈاؤن کی ضرورت ہے تو یہ جلسے کر رہے ہیں، یہ عوام کی زندگی اور تحفظ کا خیال کیے بغیر جلسے کرنا چاہتے ہیں۔
In fact not only do these "leaders" lack any empathy with the masses, their families looted national wealth to further impoverish our masses. These entitled "leaders" living like royalty in their secluded mansions, have simply inherited their positions because of their families.
— Imran Khan (@ImranKhanPTI) November 29, 2020
عمران خان کا مزید کہنا تھا کہ ان قائدین نے قومی دولت لوٹ کر عوام کو مزید غریب بنایا، اپوزیشن کے نام نہاد لیڈرز بڑے محلوں میں شاہانہ زندگی بسر کررہے ہیں، اپوزیشن رہنماؤں کو یہ منصب بھی خاندان سے وراثت میں ملا، این آر او حاصل کرنے کے لیے یہ کسی بھی حد تک جاسکتے ہیں۔
