The news is by your side.

Advertisement

اپوزیشن کا چیئرمین نیب کی مدت ملازمت میں توسیع کیخلاف عدالت جانے کا عندیہ

اسلام آباد : اپوزیشن نے چیئرمین نیب کی مدت ملازمت میں توسیع کیخلاف عدالت جانےکاعندیہ دے دیا ، سینیٹر سلیم مانڈوی والا کا کہنا ہے کہ نیب میڈیا ٹرائل چاہتا ہے تو اب ہم بھی میڈیا کےذریعےجواب دیں گے۔

تفصیلات کے مطابق  سینیٹر سلیم مانڈوی والا نے میڈیا سے گفتگو کرتے ہوئے کہا کہ چیئرمین نیب کی مدت میں توسیع سپریم کورٹ میں چیلنج ہوجائے گی ، اپوزیشن تیار بیٹھی ہے، کسی طریقے سے بھی چیئرمین نیب کی مدت میں توسیع پر سپریم کورٹ جائیں گے۔

سلیم مانڈوی والا کا کہنا تھا کہ نیب والے ایسے ہی میرے خلاف میڈیا ٹرائل چلاتے رہتے ہیں،  نیب نے جو جواب جمع کرایا اس کا جواب میں اب میڈیا کے ذریعے دوں گا۔

پیپلز پارٹی کے رہنما نے کہا نیب میڈیا ٹرائل چاہتا ہے تو اب ہم بھی میڈیا کےذریعےجواب دینگے،  نیب والے کسی منی چینجرکو پکڑ کر شوشا چھوڑ دیتے ہیں اور جب کچھ ثابت کر نہیں پا رہی تو میڈیا ٹرائل کررہےہیں۔

ان کا کہنا تھا کہ لوگوں کو زبردستی بلاکر پلی بارگین کیا جاتا ہے، چیئرمین نیب بلیک میل ہوتے ہیں ان پر دباؤڈالا جاتا ہے۔

Comments

یہ بھی پڑھیں