لاہور: گرفتار قائد حزب اختلاف قومی اسمبلی شہباز شریف کی طبیعت خراب ہوگئی ہے، طبیعت خرابی کے باعث انہیں اسپتال منتقل کردیا گیا ہے۔
ذرائع کے مطابق صدر مسلم لیگ نون اور قائد حزب اختلاف شہباز شریف کو طبیعت خرابی کے باعث لاہور کے نجی اسپتال میں منتقل کیا گیا ہے، جہاں ان کے ضروری ٹیسٹ لئے جارہے ہیں۔
ذرائع کا کہنا ہے کہ شہباز شریف کو پی ای ٹی اسکین کے لیے اسپتال منتقل کیا گیاہے۔
واضح رہے کہ محکمہ صحت پنجاب نے اپوزیشن لیڈر میاں شہباز شریف کے لیے 6 سرکاری ڈاکٹرز پر مشتمل میڈیکل بورڈ تشکیل دے رکھا ہے، بورڈ شہباز شریف کی درخواست پر ان کے تین معالجین سے بھی رائے لے سکتا ہے۔
یہ بھی پڑھیں: عدالت کا شہباز شریف کی اہلیہ اور بچوں کا ٹرائل علیحدہ کرنے کا حکم
پنجاب انسٹی ٹیوٹ آف نیورو سائنسز کے پروفیسر خالد محمود کنوینر ہیں، میڈیکل بورڈ میں پروفیسر سعید احمد، پروفیسر صائمہ امیر اور پروفیسر رانا دل آویز، پروفیسر خدیجہ اور ڈاکٹر عباس کھوکھر شامل ہیں، میڈیکل بورڈ شہباز شریف کا جیل جا کر طبی معائنہ کرے گا اور اپنی رپورٹ محکمہ صحت کو جمع کرائے گا۔
یاد رہے کہ آمدن سے زائد اثاثہ جات کیس میں قومی اسمبلی میں قائدِ حزبِ اختلاف میاں شہباز شریف اور ان کے بیٹے قائد حزب اختلاف پنجاب اسمبلی اس وقت گرفتار ہیں۔
