تازہ ترین

تصویر پہیلی: ہاتھی فارم میں چھپے جانور کو 11 سیکنڈ میں تلاش کریں

ہم ایک تصویر پہیلی کے ساتھ حاضر ہیں، اس بار آپ نے ہاتھی فارم میں چھپے جانور کو 11 سیکنڈ میں تلاش کرنا ہے۔

یہ آپ کے آئی کیو لیول کو جانچنے کا ایک بہترین عمل ہے، جو دراصل آپٹیکل الیوژن یعنی بصری دھوکے پر مبنی ہے، اس کے بارے میں کہا جاتا ہے کہ گیارہ سیکنڈ میں صرف 1 فی صد لوگ ہی اس تصویر میں چھپے جانور کو تلاش کر پاتے ہیں۔

تو کیا آپ ان ایک فی صد لوگوں میں شامل ہیں؟ اگر جواب نہیں میں بھی ہے تو یہ عمل ایک اچھی تفریح ثابت ہوتی ہے، جس سے آئی کیو لیول بڑھ سکتا ہے۔

کیا آپ کو معلوم ہے کہ بصری دھوکے میں کوئی چیز یا ڈرائنگ اس طرح بنائی جاتی ہے جس سے دماغ کسی اور طرف مڑ جاتا ہے، اور یوں اس کے لیے ایک چیلنج سامنے آتا ہے۔

اس تصویر میں آپ کو ہاتھی کا ایک فارم نظر آ رہا ہے، ایک ہاتھی ہے جس نے سونڈ میں شہتیر اٹھایا ہوا ہے۔

لیکن صرف یہی نہیں، اس تصویر میں ایک اور جانور کی شبیہ کو اس چالاکی اور مہارت کے ساتھ بنایا گیا ہے کہ آپ حیران رہ جائیں گے۔

ہم آپ کو ایک اشارہ کر دیتے ہیں، تصویر کے دائیں طرف بہ غور دیکھیں، کیا آپ کو کچھ نظر آیا، چلیں، ایک اور اشارہ کر دیتے ہیں، ہاتھی کی دم کے قریب نگاہ جما کر دیکھیں۔

اگر اب بھی آپ نہیں سمجھے ہیں تو ہم آپ کو بتائیں کہ ہاتھی کی دم کے قریب ایک گھوڑے کا چہرہ بھی بنا ہوا ہے، جسے نیچھے تصویر میں نیلے رنگ سے نمایاں کیا گیا ہے۔

Comments

- Advertisement -