حکام نے کراچی پورٹ پر غیرملکی جہاز کی روانگی روکنے کا حکم دے دیا۔ آسکر ون جہاز پر بیرون ملک سیمنٹ ایکسپورٹ ہونا تھا۔
حکام کا کہنا ہے کہ فنی خرابی دور ہونے اور ملازم کی تنخواہ ادائیگی کے بعد ہی جہاز کو روانگی کی اجازت دی جائے گی۔ یہ جہاز ویسٹ ہارف برتھ نمبر 19 پر موجود ہے۔
غیر ملکی جہاز کو کومرکنٹائل میرین ڈیپارٹمنٹ نے روکا ہے۔ مرکنٹائل میرین ڈیپارٹمنٹ کے سرویئر نے جہاز کا سروے بھی کیا تھا اور متعدد فنی خرابیوں کے باعث جہاز کو روکا گیا۔
جہاز پر غیر ملکیوں سمیت پاکستانی کریو موجود ہے۔ پاکستانی کریو میں ایک الیکٹریشن ہے جس نے اپنے واجبات کی شکایات بھی کی تھی، جہاز کےحکام کے زمہ الیکٹریشن کے کئی ہزار ڈالر واجب الادا ہیں۔
انجم وہاب اے آر وائی نیوز سے وابستہ ہیں اور تجارت، صنعت و حرفت اور دیگر کاروباری خبریں دیتے ہیں