اسلام آباد : اداروں نے پنجاب اور خیبر پختوںخواہ میں انتخابات کرانےکی مخالفت کردی اور رائے دی کہ دونوں صوبوں میں امن و امان کا مسئلہ ہوسکتا ہے۔
تفصیلات کے مطابق پنجاب ،کے پی انتخابات سے متعلق الیکشن کمیشن کے اجلاس کا احوال سامنے آگیا، جس میں بتایا گیا کہ پنجاب اور خیبرپختونخوا اسمبلی کے انتخابات کے لیے الیکشن کمیشن میں اجلاس بے نتیجہ رہا۔
ذرائع کا کہنا ہے کہ اداروں نے پنجاب اور کے پی میں انتخابات نہ کرانے کی تجویز دے دی۔
اداروں کی جانب سے اجلاس کو امن و امان کو صورتحال پر بریفنگ دی گئی، اداروں کی رائے ہے کہ الیکشن کےلیے ماحول سازگار نہیں۔
اجلاس کے بعد صحافیوں سے غیر رسمی گفتگو میں سیکرٹری الیکشن کمیشن عمر حمید خان نے کہا حساس اداروں نے زمینی حقائق کےحوالے سے آگاہ کیا، حساس اداروں کی بریفنگ سے ہماری معلومات میں اضافہ ہوا۔
عمر حمید خان کا کہنا تھا کہ آئندہ ہفتے گورنر خیبرپختونخوا الیکشن کمیشن تشریف لائیں گے، وزارت دفاع اور ملٹری آپریشنز الیکشن کمیشن کو برینفگ دیں گے، الیکشن کمیشن تمام اسٹیک ہولڈرز سےبریفنگ لے کر فیصلہ کرے گا۔
