17.1 C
Ashburn
ہفتہ, مئی 25, 2024
اشتہار

آسکر ایواڈ یافتہ اداکارہ صوفیہ لورین گھر میں گر کر زخمی ہوگئیں

اشتہار

حیرت انگیز

ہالی وڈ میں 20 ویں صدی کی چند خوبصورت ترین اداکاراؤں میں سے ایک اور آسکر ایوارڈ یافتہ اطالوی فلم اسٹار صوفیہ لورین اپنے گھر میں گر کر زخمی ہوگئیں۔

اداکارہ کے ترجمان نے ذرائع ابلاغ کو بتایا کہ جنیوا میں اپنے گھر میں گرنے کے بعد صوفیہ کی سرجری ہوئی ہے، 89 سالہ لورین کا آپریشن ٹھیک رہا اور اب انھیں آرام کرنے کی ضرورت ہے جس کے بعد وہ پھر سے صحتمند ہوجائیں گی۔

ترجمان نے تفصیلات بتانے سے گریز کیا پر تصدیق کی کہ اس حوالے سے اطالوی میڈیا کی رپورٹس درست ہیں۔

- Advertisement -

رپورٹس میں کہا گیا ہے کہ وہ اتوار کو جنیوا میں اپنے گھر میں حادثاتی طور پر گر گئی تھیں جس کے باعث ان کی کولہے کی ہڈی ٹوٹ گئی تھی۔

واضح رہے کہ ہالی وڈ کی مشہور اور خوبصورت اداکارہ صوفیہ لورین نے دو آسکر ایوارڈ اپنے نام کیے ہیں۔ پہلا ایوارڈ انھیں 1961 میں ’’La Ciociara‘‘ (دو خواتین) میں میں ماں کا المناک کردار نبھانے پر دیا گیا تھا۔ دوسری بار 1991 میں انھیں کیریئر ایوارڈ دیا گیا تھا۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں