پاکستان کے بولنگ کوچ عمرگل نے کہا ہے کہ پاکستانی ٹیم کو شارجہ میں بالکل مختلف حالات کا سامنا تھا۔
افغانستان کے خلاف میچ کے بعد پریس کانفرنس کرتے ہوئے عمر گل نے ان چیلنجنگ حالات پر روشنی ڈالی جن کا کھلاڑیوں کو بیٹنگ کے لیے سازگار حالات سے منتقلی کے بعد مقابلہ کرنا پڑا۔
عمر گل نے کہا کہ یہ ہمارا پہلا میچ تھا اور ہمارے کھلاڑیوں کو یہاں بالکل مختلف حالات کا سامنا کرنا پڑا کیونکہ وہ پی ایس ایل کے دوران بیٹنگ کے لیے سازگار حالات میں کھیل رہے تھے۔
بولنگ کوچ نے ٹیم کی سیریز میں واپسی کی صلاحیت پر اعتماد کا اظہار کرتے ہوئے کہا کہ غلطیوں پر کام کریں گے اور بقیہ میچوں میں بہترین کارکردگی کا مظاہرہ کریں گے۔ بولنگ کوچ نے ڈیبیو میچ میں شاندار کارکردگی دکھانے پر حسن اللہ کی تعریف بھی کی۔
انہوں نے کہا کہ ہم غلطیوں پر کام کریں گے اور حکمت عملی میں ایڈجسٹمنٹ کریں گے باؤلرز اپنے منصوبوں پر ڈٹے ہوئے تھے اور اس پر عمل درآمد اچھا تھا۔
گل نے کہا کہ نوجوان کھلاڑیوں کے لیے بین الاقوامی سطح پر کارکردگی کا مظاہرہ کرنا ایک بہترین پلیٹ فارم ہے مجموعی طور پر میں باؤلنگ سے مطمئن ہوں اور انہوں نے اچھے علاقوں میں گیند بازی کی۔