عام طور پر دیکھنے میں آیا ہے کہ اگر ہمیں اچانک اپنے قریب چند افراد بھاگتے ہوئے نظر آئیں تو چونک جانا فطری عمل ہے اور ہم بھی ہڑبڑا کر انہیں دیکھنے لگتے ہیں۔
ایسا ان صورتوں میں ہوتا ہے کہ جب کوئی ملزم واردات کے بعد فرار ہونے کی کوشش کرتا ہے یا پھر کسی کے پیچھے پولیس لگی ہو۔
لیکن بعض اوقات یہ صورتحال مضحکہ خیز بھی ہوجاتی ہے اور بھاگنے والوں کو ہزیمت کا سامنا کرتے ہوئے شرمندگی بھی اٹھانا پڑتی ہے۔
ایک ایسا ہی واقعہ برازیل میں پیش آیا جہاں ایک ریستوران میں لوگوں کی بڑی تعداد اپنی فیملیز کے ہمراہ رات کے کھانے سے لطف اندوز ہورہی تھی۔
A group of people doing CrossFit ran passed a restaurant
Dozens of diners thought they were escaping from something and abandoned their tables to run off too. This happened in Brazil 1/🧵pic.twitter.com/7lmpt2zHY7
— Science girl (@gunsnrosesgirl3) September 25, 2022
ریستوران کے باہر فٹ پاتھ پر بھی میز کرسیاں لگائی گئیں تھی جہاں دیگر لوگ بھی موجود تھے کہ اچانک چند نوجوان تیزی سے چلتے ہوئے گزرے، ان کے ساتھ ایک کتا بھی تھا۔
بس پھر کیا تھا گاہکوں سے کھچا کھچ بھرے ہوئے فٹ پاتھ سے ایک شخص نے بھی ان کو بھاگتا دیکھ کر خطرہ محسوس کیا اور اپنی نشست سے اٹھ کر بھاگ کھڑا ہوا۔
اسی شخص کی دیکھا دیکھی دیگر لوگ بھی حقیقت کو جانے بغیر وہاں سے بھاگے اور دیکھتے ہی دیکھتے پورا فٹ پاتھ خالی ہوگیا۔ کچھ لوگ اتنے گھبرا گئے کہ میز پر رکھا اپنا سامان بھی چھوڑ دیا۔
ریستوران میں لگے سی سی ٹی وی کیمرے میں یہ سارا منظر قید ہوگیا جس کی فوٹیج سوشل میڈیا پر وائرل ہوگئی اور صارفین اس پر اپنے دلچسپ تبصرے کررہے ہیں۔
