The news is by your side.

Advertisement

ابوظبی پولیس نے 2 ہزار کروڑ درہم مالیت کی منشیات ضبط کرلی

ابوظبی : اماراتی پولیس نے انسداد منشیات مہم کے تحت سال 2018 دوران دو ہزار کروڑ درہم مالیت کی 1 ہزار کلو منشیات ضبط کرکے تلف کی۔

تفصیلات کے مطابق متحدہ عرب امارات کے دارالحکومت ابوظبی کی پولیس نے گزشتہ برس انسداد منشیات مہم کے تحت صرف دارالحکومت میں 2000 کروڑ درہم مالیت کی ڈرگز ضبط کی تھی۔

ابوظبی پولیس کے ڈائریکٹر جنرل مکتوم علی الشریفی کا کہنا تھا کہ سیکیورٹی اہلکاروں نے ملک بھر میں باالخصوص ابوظبی میں منشیات اسمگلنگ کی روک تھام کےلیے متعدد آپریشن امارات بھر میں کیے ہیں۔

مقامی خبر رساں ادارے کا کہنا تھا کہ پولیس نے گزشتہ برس اکتوبر میں ایک آپریشن کیا تھا جس میں پولیس نے 17 کلو منشیات ضبط کرکے 5 ایشیائی شہریوں کو گرفتار کیا تھا، ملزمان ملک بھر میں مبینہ طور پر نوجوانوں کو منشیات سپلائی کرتے تھے۔

الشریفی کا کہنا تھا کہ ’ہم نے منشیات اسمگلنگ کے خلاف مسلسل ایک طویل جنگ لڑی، ہمارے انسداد اسمگلنگ افسران منشیات اسمگلنگ کی سرگرامیاں کا سراغ لگانے کےلیے جدید ٹیکنالوجی اور منفرد طریقوں کا استعمال کرتے تھے‘۔

اماراتی خبر رساں ادارے کا کہنا تھا کہ پولیس نے گزشتہ برس منشیات کی روک تھام کےلیے متعدد مہمات کا آغاز کیا تھا جس میں مہم ’میری زندگی کی کوئی قیمت نہیں‘ بھی شامل تھی۔

الشریفی نے بتایا کہ منشیات کے خلاف چلائی جانے والے مہمات کا اصل ہدف نوجوان، خاندان اور والدین تھے، پولیس نے اس سلسلے میں کمیونٹی کونسلز، نجی تعلیمی اداروں، اسکول اور عرب و غیر ملکی کمیونٹی کے کلبوں کا دورہ بھی کیا۔

دبئی : منشیات فروش گروہ گرفتار، بڑی مقدار میں منشیات اور جعلی نوٹ برآمد

دبئی : 15 سالہ بیٹے کے ذریعے منشیات اسمگلنگ کرنے والا باپ گرفتار

پولیس نے منشیات استعمال کرنے والے سینکڑوں افراد کو حراست میں لے کر بحالی مرکز منتقل کیا تاکہ وہ دوبارہ معاشرے کے معزز شہری بن کر عزت کی زندگی گزار سکیں۔

مقامی خبر رساں ادارے کا کہنا تھا کہ ابوظبی پولیس نے 2017 کی نسبت 2018 جرائم کی شرح میں 3.7 فیصد کمی ریکارڈ کی۔

Comments

comments

یہ بھی پڑھیں