لاہور: اوور بلنگ کا معاملہ اٹھنے کے بعد اب بلوں کی درستگی پر لیسکو کو اربوں روپے کا نقصان پہنچا ہے، جس پر ایف آئی اے نے ایکشن لے لیا ہے۔
ذرائع ایف آئی اے کے مطابق لیسکو کو مالی نقصان پہنچانے پر کارروائی کا آغاز کر دیا گیا ہے، اوور بلنگ کی درستگی سے کمپنی پر اضافی اربوں روپے کا بوجھ پڑ گیا ہے۔
ذرائع کے مطابق اووربلنگ کے وقت اوسط فی یونٹ قیمت 16 روپے تھی، جب کہ رواں ماہ 48 روپے سے قیمت زائد بنتی ہے، جس سے کمپنی کو اربوں روپے کا نقصان برداشت کرنا پڑے گا۔
- Advertisement -
ایف آئی اے کا کہنا ہے کہ تعیناتی کے دوران تمام ایکسین، ایس ڈی اوز کے خلاف کارروائی شروع کر دی گئی، تمام چیف ایگزیکٹیوز اور سی ایس ڈیز کے خلاف بھی کارروائی کی جائے گی۔
لیسکو افسران کے خلاف مقدمات درج کر کے گرفتاریوں کا امکان ہے، اس سلسلے میں ایف آئی اے نے 3 سے 5 سال کا ڈیٹا اکٹھا کر لیا ہے۔
