انگلینڈ میں اوورسیز پاکستانیوں نے افواج پاکستان کی بے لوث خدمات کو سلام پیش کرتے ہوئے پاک فوج کو ریڈ لائن قرار دیدیا۔
بیرونِ ملک مقیم پاکستانی کا کہنا ہے کہ فوج پاکستان کا بہت مضبوط ادارہ ہے، پاک فوج کی حرمت ہم پر فرض ہے،کسی تھرڈ ورلڈ ملک میں بھی ایسا نہیں ہوتا، یہ سوچی سمجھی سازش ہے۔
بیرونِ ملک مقیم پاکستانی نے کہا کہ یہ مٹھی بھر شرپسند اس ملک کو کسی افریقی ملک کی طرح بنانا چاہتے ہیں، یہ تو اچھا ہوا کہ ان لوگوں کی سازش بے نقاب ہوگئی، فوج ہے تو ہم ہیں۔
اوورسیز پاکستانی نے کہا کہ فوج ہی وہ واحد ادارہ ہے جس نے سب اداروں کو جوڑ رکھا ہے، فوج کسی بھی ملک کی ریڈلائن ہوتی ہے، پاکستان آرمی، پاکستان کی ریڈ لائن ہے، یہ جو بھی 9 مئی کو ہوا اس سے بدتر کچھ بھی نہیں ہو سکتا۔
بیرونِ ملک مقیم پاکستانی نے کہا کہ شرپسندوں نے ریڈیو پاکستان پر حملہ کیا اسکے علاوہ پی ٹی وی اورپارلیمنٹ پر حملہ کیا، فوجی تنصیبات پر حملہ بالکل قابل معافی نہیں ہے، سانحہ 9 مئی میں ملوث جتنے بھی ملزمان ہیں ان سب کو گرفتار کیا جائے۔
اوورسیز پاکستانیوں کا کہنا ہے کہ ان شرپسندوں کوسخت سےسخت سزائیں دی جائیں، لوگ یہ بھول جائیں کہ ہم اوور سیز پاکستانی، پاک فوج کے خلاف ہیں، ہم پاک فوج کے ساتھ کھڑے ہیں اور ان کے ساتھ کھڑے رہیں گے۔
