اویس شاہ اغوا کیس میں پیش رفت،موبائل فون کی لنڈی کوتل میں نشاندہی -
The news is by your side.

Advertisement

اویس شاہ اغوا کیس میں پیش رفت،موبائل فون کی لنڈی کوتل میں نشاندہی

کراچی:چیف جسٹس سندھ ہائی کورٹ کے بیٹے اویس شاہ کے اغوا کیس میں پیش رفت ہوئی ہے، ان کے موبائل فون کی نشاندہی علاقہ غیر لنڈی کوتل میں ہوگئی، مزید تحقیقات جارہی ہیں.

اے آر وائی نیوز کراچی کے نمائندے کامل عارف کے مطابق کراچی سے اغوا ہونے والے چیف جسٹس سندھ ہائی کورٹ سجاد علی شاہ کے بیٹے اویس شاہ کا موبائل علاقہ غیر لنڈی کوتل پہنچ گیا۔ اویس شاہ کے اغوا کے 72 گھنٹے تک ان کا موبائل فون بند رہا تاہم موبائل فون جب کھلا تو اس کی موجودگی علاقہ غیر لنڈی کوتل میں ہوئی۔ موبائل فون 5 سے 7منٹ کے لیے کھولا گیا تھا۔

تحقیقاتی اداروں کے مطابق اس بات پر تفتیش کی جارہی ہے کہ اویس شاہ کا صرف موبائل فون علاقہ غیر پہنچا ہے یا اویس شاہ کو بھی علاقہ غیر پہنچایا گیا ہے۔ اویس شاہ کی بازیابی کے لیے جوائنٹ انویسٹی گیشن ٹیم کام کررہی ہے تاہم تفتیشی ٹیم کو خاطر خواہ کامیابی نہیں مل سکی ہے۔

مزید پڑھیں:گورنر و وزیرداخلہ کی جسٹس سجاد سے ملاقات، اویس شاہ کی بازیابی کی یقین دہانی

Comments

comments

یہ بھی پڑھیں