پشاور : غیر ملکی سیاحوں کے ساتھ نازیباحرکات پر پولیس نے معروف ریسٹورنٹ چرسی تکہ کے مالک کو گرفتار کرلیا گیا، نثار چرسی کے خلاف شہریوں کی جانب سے بھی شکایت موصول ہوئی تھیں۔
تفصیلات کے مطابق غیر ملکی سیاحوں کے ساتھ نازیبا حرکات کرنے کے واقعے پر پشاور پولیس نے معروف ریسٹورنٹ چرسی تکہ کے مالک کو گرفتار کر لیا۔
ہوٹل مالک نثار کے خلاف سب انسپکٹر نعیم کی مدعیت میں مقدمہ درج کرلیا گیا ہے، ایف آئی آر کے متن کے مطابق نثارچرسی کے خلاف شہریوں کی جانب سے بھی شکایت موصول ہوئی تھیں۔
- Advertisement -
نمک منڈی کے ہوٹل مالک نثار چرسی کی غیر ملکی سیاحوں کے ساتھ نازیبا حرکات کی ویڈیو سامنے آئیں تھیں۔
پولیس کا کہنا تھا کہ پشاور میں معروف فوڈ اسٹریٹ نمک منڈی سیاحوں کی پسندیدہ جگہ ہے اور نثار خان کے ریسٹورنٹ پر ملکی اور غیر ملکی سیاح بڑی تعداد میں روایتی کھانے کے لیے آتے ہیں۔
