The news is by your side.

Advertisement

برطانوی پارلیمنٹ سے مشکوک پارسل برآمد

لندن: برطانیہ میں مشکوک پارسل ملنے کا سلسلہ پارلیمنٹ تک پہنچ گیا، پولیس نے پارسل قبضے میں لے لیا۔

تفصیلات کے مطابق ہاؤس آف لارڈز میں بھی مشکوک پارسل موصول ہوا ہے جسے میٹروپولیٹن پولیس نے قبضے میں لے کر تحقیقات شروع کردی۔

غیر ملکی خبر رساں ادارے کا کہنا ہے کہ پارسل کے ملنے سے چند گھنٹے پہلے گلاسگویونیورسٹی میں بھی ایسے پارسل کو دھماکا کرکے تلف کیا گیا تھا۔

یونیورسٹی کے مشکوک پارسل کو ڈسپوزل اسکواڈ نے اپنی نگرانی میں تلف کیا، تحقیقاتی اداروں نے معاملے کی باریکی سے جانچ پرتال کے لیے خصوصی اقدامات شروع کردیے۔

پولیس کا کہنا ہے کہ پارسل میں موجود دھماکا خیز مواد جانی نقصان نہیں کرسکتا البتہ شہری زخمی ہوسکتے ہیں، پارسل بھجوانے والے شخص کی تلاش جاری ہے، ابھی کچھ کہنا قبل از وقت ہوگا۔

لندن کے مختلف مقامات سے بم برآمدگی کا معاملہ، پولیس نے تفتیش شروع کردی

خیال رہے کہ گذشتہ روز برطانیہ کے دارالحکومت لندن کے ریلوے اسٹیشن، ہیتھرو اور لندن سٹی ایئرپورٹ سے دھماکا خیز مواد کے چھوٹے سائز کے تین پیکٹ بم برآمد ہوئے تھے جس کے بعد پولیس نے تینوں مقامات کی سیکیورٹی ہائی الرٹ کردی تھی۔

یاد رہے کہ ایک ماہ قبل لندن کے انٹرنیشنل گیٹ وک ایئرپورٹ پر دو مشکوک ڈرونز کی پروازوں کے باعث مسلسل 36 گھنٹے تک پروازیں منسوخ رہی تھیں، جس کے باعث ڈیڑھ لاکھ مسافر متاثر ہوئے تھے۔

مقامی خبر رساں ادارے کے مطابق مشکوک ڈرونز کو کنٹرول کرنے پولیس کی ناکامی کے بعد حکومت نے فوج کی خدمات حاصل کی تھیں۔

Comments

comments

یہ بھی پڑھیں