تھائی لینڈ کی پھیو تھائی پارٹی کی رہنما پیٹونگٹارن شیناوترا کم وزیراعظم منتخب ہوگئیں۔
غیرملکی خبررساں ادارے کی رپورٹ کے مطابق نومنتخب تھائی وزیراعطم پیٹو نگٹارن شیناوترا سابق وزیراعظم تھاکسن شیاوترا کی صاحبزادی اور تھیوپارٹی کی رہنما ہیں۔
37 سالہ پیٹونگٹارن شیناوترا کو سریتھا تھاوسین کی برطرفی کے بعد تھائی لینڈ کی وزیراعظم منتخب کیا گیا۔
اس طرح وہ منتخب ہونے والی تھائی لینڈ کی سب سے کم عمر وزیر اعظم بن گئی ہیں۔
رپورٹس کے مطابق 37 سالہ شیناوترا اُنگ اِنگ کے نام سے مشہور ہیں، وہ بزنس ٹائیکون تھاکسن شیناوترا کی سب سے چھوٹی بیٹی ہیں جب کہ وہ اس منصب پر فائز ہونے والی خاندان کی تیسری شخصیت ہیں۔
شیناوترا کو وزیراعظم بننے کے لیے پارلیمنٹ کی 493 نشستوں میں سے 314 نشستیں درکار تھیں۔
رپورٹس کے مطابق سابق تھائی وزیراعظم سریتا تھاویزن اور فوج کے درمیان ایک طویل کشیدگی بھی رہی، انہوں نے ملک میں 2006 کی فوجی آمریت کے بعد کئی سال جلا وطنی کاٹی اور گزشتہ برس ہی ملک واپس لوٹے تھے۔
واضح رہے کہ تھائی لینڈ کی عدالت نے چند روز قبل غلط تقرری پر سابق وزیر اعظم سریتھا تھاوسین کو عہدے سے برطرف کیا تھا۔
