شاہین - سیون : پاکستان اورچین کی مشترکہ فضائی مشقوں کا آغاز -
The news is by your side.

Advertisement

شاہین – سیون : پاکستان اورچین کی مشترکہ فضائی مشقوں کا آغاز

پاکستان اورچین کی فضائیہ کی مشترکہ فضائی مشقیں پاکستان کے بیس پر شروع ہوگئی ہیں، مشقوں کو شاہین – سیون کا نام دیا گیا ہے، دونوں ممالک باقاعدگی سے ان مشقوں کا انعقاد کرتے ہیں۔

تفصیلات کے مطابق پاکستانی اور چین کی مشترکہ فضائی مشق شاہین – 7 پاک فضائیہ کے ایک آپریشنل ائیر بیس پر آج سے شروع ہوئی ہے۔ اس مشق میں شریک چینی فضائیہ کا دستہ پائلٹس، ائیر ڈیفنس کنٹرولرز اور تکنیکی عملے کے ساتھ فائٹر، بمبار اور اواکس طیاروں پر مشتمل ہے۔

پاکستان ائیر فورس ذرائع کا کہنا ہے کہ ان مشقوں سے دونوں ممالک کے درمیان بالعموم اور دونوں ممالک کی فضائی افواج کے درمیان بالخصوص تعاون کو فروغ حاصل ہو گا۔

پاک فضائیہ اپنی فضائی اور زمینی عملے کی آپریشنل تربیت کے لئے با قاعدگی سے اندرون اور بیرونِ ملک دوست ممالک کے ساتھ اس طرح کی مشقوں کا باقاعدہ انعقاد کرتی ہے ۔فضائی مشق ’’شاہین -7 ‘‘ چینی فضائیہ کے ساتھ ہونے والی فضائی مشقوں کے سلسلے کی ساتویں مشق ہے جو کہ ہر سال دونوں ملکوں میں باری باری منعقد ہوتی ہیں۔ گزشتہ سال چین کے ایک آپریشنل ائیر بیس پر منعقد ہونے والی شاہین 6 مشقوں میں پاک فضائیہ کے دستے نے شمولیت کی تھی۔

یاد رہے کہ پاکستان اور چین کے درمیان قریبی معاشی ، دفاعی اور معاشرتی تعلقات قائم ہیں اور دونوں ممالک کی دفاعی افواج دفاع اور سیکیورٹی میں ایک دوسرے کے ساتھ بھرپور تعاون کرتی ہیں ۔پاک چین اقتصادی راہداری اورمشترکہ فوجی مشقوں کی وجہ سے دونوں ممالک کے درمیان تعلقات مزید مضبوط ہوئے ہیں۔

Comments

comments

یہ بھی پڑھیں