اسلام آباد: پاک فضائیہ کے سپوتوں کی جرأت و بہادری پر یوم دفاع کی مناسبت سے مختصردستاویزی فلم جاری کردی گئی ہے۔
تفصیلات کے مطابق پاک فضائیہ کے شعبہ تعلقات عامہ نے ستمبر 1965 کی جنگ کی مناسبت سے مختصر دستاویزی فلم جاری کر دی۔
ترجمان کا کہنا تھا کہ مختصردستاویزی فلم میں ائیر فورس کے سپوتوں کی جرأت و بہادری پر روشنی ڈالی گئی ہے اور یکم ستمبر1965 کے فضائی معرکے کا احوال بیان کیا گیا ہے۔
01 September, 2022: DG PR (AF) has released a short documentary on the courage and bravery of Pakistan Air Force soldiers in connection with the September 1965 war, in which the air battle that took place on 01 September, 1965 has been describedhttps://t.co/TH3vOBeB4a
— DGPR (AIR FORCE) (@DGPR_PAF) September 1, 2022
خیال رہے پاک فضائیہ نے 6 ستمبرکو بھارت کے فضائی اڈوں پٹھان کوٹ، آدم پور اور ہلواڑہ پر بھر پور انداز میں حملے کیے۔ پٹھان کوٹ میں پاک فضائیہ نے بھارت کے 10 طیارے تباہ کیے اور متعدد کو نقصان پہنچایا۔
1965ء کی 17 روزہ جنگ میں پاکستان نے مجموعی طور پر 35 طیاروں کو فضا اور 43 کو زمین پر تباہ کیا جبکہ 32 بھارتی طیاروں کو طیارہ شکن گنوں نے نشانہ بنایا۔ اس طرح مجمو عی طورپر بھارت کے 110 طیارے تباہ ہو ئے۔
