اداکارہ مہوش حیات کا کہنا ہے کہ سکون اور اعتماد دینے والے شخص سے شادی کروں گی۔

شوبز انڈسٹری کی معروف اداکارہ مہوش حیات نے حالیہ انٹرویو میں شادی سے متعلق اظہار خیال کیا اور کہا کہ فی الحال شادی کرنے کا کوئی ارادہ نہیں ہے۔

انہوں نے کہا کہ رومانوی ضرور ہوں لیکن حقیقت پسند بھی ہوں اور زندگی میں ایسا ساتھی چاہتی ہوں جو سکون اور اعتماد دے۔

یہ پڑھیں: مہوش حیات نے آئندہ سال شادی کرنے کا عندیہ دے دیا

مہوش حیات نے کہا کہ شادی کے فیصلے میں کوئی جلد بازی نہیں کروں گی اور ابھی شادی کرنے کا کوئی ارادہ نہیں ہے۔

اداکارہ نے ہدایتکاری کے میدان میں قدم رکھنے کی خواہش کا اظہار کرتے ہوئے بتایا کہ وہ ڈرامہ سیٹ پر ہدایتکاروں کی باریکیاں غور سے دیکھتی ہیں تاکہ مستقبل میں بطور ہدایتکارہ خود کو تیار کر سکیں۔

انہوں نے پاکستانی شوبز انڈسٹری میں موجود دوہرے معیار پر تنقید کرتے ہوئے کہا کہ مرد فنکاروں کو عمر بڑھنے کے باوجود نوجوان اداکاراؤں کے ساتھ کام کرنے کی آزادی ہے، جبکہ خواتین کو ان کی عمر پر جانچا جاتا ہے۔

اداکارہ نے کہا کہ خاتون کی صلاحیت اور محنت کو نظرانداز کیا جاتا ہے۔ مغربی انڈسٹریز میں عمر کو اتنی اہمیت نہیں دی جاتی بلکہ بالی ووڈ میں فٹنس کو سراہا جاتا ہے۔

اداکارہ اسما عباس کا کہنا ہے کہ اینٹی ایجنگ ایکشن نہ لگوائیں بڑھاپے کو قبول کریں۔

شوبز انڈسٹری کی سینئر اداکارہ اسما عباس نے یوٹیوب چینل پر بھارتی اداکارہ شیفالی جریوالا کی موت پر دکھ کا اظہار کرتے ہوئے کہا کہ شیفالی کی 42 سال کی عمر میں اچانک موت ہوئی، اس موت پر دل دکھا کوئی کہیں بھی ہو اس طرح کی ناگہانی موت اور اتنی جوان موت بہت تکلیف دہ ہے۔

اداکارہ نے کہا کہ میں نے سنا ہے کہ وہ اینٹی ایجنگ ایکشن لگواتی تھیں، بڑھاپے کو قبول کرلیں اس سے کچھ نہیں ہوتا، عمر کو کم کرنے کا کیا جنون ہے اس سے پہلے بھارت کی مشہور اداکارہ سری دیوی کی بھی موت ہوئی تھی۔

یہ پڑھیں: شیفالی جریوالا نے موت سے قبل کونسی ادویات کا استعمال کیا ؟ اہم انکشاف

اسما عباس نے کہا کہ سری دیوی نے بھی بہت سی چیزیں کروائی ہوئی تھیں کچھ بھی ہو یہ ایک غیر قدرتی چیزیں ہیں جو آپ کی صحت متاثر اور دل کو کمزور کرتے ہیں، پتا نہیں زندگی بھر جوان رہنے کا کیا شوق ہے، کیسے انسان زندگی بھر جوان رہ سکتا ہے۔

واضح رہے کہ گزشتہ ہفتے شیفالی جریوالا  اچانک انتقال کرگئی تھیں، 27 جون کو انہیں ممبئی میں ان کی رہائش گاہ سے اسپتال منتقل کیا گیا جہاں ڈاکٹرز نے مردہ قرار دیا۔

شوبز انڈسٹری کی معروف اداکارہ ہانیہ عامر کی منگنی کی ویڈیو کی حقیقت سامنے آگئی۔

سوشل میڈیا پر منگنی کی ایک تقریب کی ویڈیو وائرل ہوئی جسے دیکھ کر لوگ حیران رہ گئے کہ اداکارہ ہانیہ عامر نے اچانک منگنی کرلی ہے۔

وائرل ویڈیو میں لڑکی کو ہاتھوں میں گجرے پہن، مبارک باد کے ساتھ گلدستہ وصول کرتے ہوئے دیکھا جاسکتا ہے۔

View this post on Instagram

A post shared by Bushra_Memon (@bushra_memon77)

لڑکی کی ویڈیو کو دیکھ کر صارفین یہ سمجھنے لگے کہ ہانیہ عامر نے منگنی کرلی ہے اور اداکارہ کو مداحوں نے مبارکباد بھی دے دی ہے۔

دراصل مذکورہ ویڈیو سوشل میڈیا انفلوئنسر بشریٰ میمن کی منگنی کی تقریب کی ہے جس کی تصدیق انہوں نے خود کی اور بتایا کہ ویڈیو میں موجود شخص ان کے منگیتر عمر حسین ہیں۔

بشریٰ میمن ہانیہ عامر سے مشابہت رکھتی ہیں اور ان کا ہیئر اسٹائل، لباس اور تاثرات بھی ہانیہ کی طرح ہیں، جسے دیکھ کر صارفین الجھن کا شکار ہوگئے اور انہیں ہانیہ عامر سمجھ بیٹھے۔