شوبز انڈسٹری کے معروف اداکار وہاج علی نے بیٹی کے لیے خوبصورت شاعری شیئر کردی۔

اداکار وہاج علی نے متعدد ڈراموں میں مرکزی کردار نبھایا ہے جسے ان کے مداح بھی پسند کرتے ہیں اور ان کی اداکاری کو سراہا جاتا ہے۔

ان کی بیٹی بھی ہے جس کا نام امیرا وہاج علی ہے جس سے وہ بے پناہ محبت کرتے ہیں۔

انسٹاگرام پر اداکار نے حال ہی میں بیٹی کے لیے معروف فنکار ضیا محی الدین کی آواز میں خوبصورت نظم شیئر کی ہے جسے انہوں نے شیئر کرتے ہوئے لکھا کہ ’بیٹی کے نام۔‘

وہاج علی نے جذباتی انداز میں لکھا کہ میں چاہتا ہوں کہ میں دنیا کو امیرا کی آنکھوں سے دیکھوں، ان راستوں پر چلوں جو ابھی تراشے نہیں گئے، ان بلندیوں کو چھو سکوں، جہاں تک شاید میں خود نہ جا سکوں، مگر وہ جا سکتی ہے، میری بیٹی، میری دنیا۔

View this post on Instagram

A post shared by Wahaj Ali (@wahaj.official)

ان کے مداحوں نے اس پوسٹ کو بے حد پسند کیا، ایک صارف نے لکھا کہ آپ کی جانب سے اب تک کی سب سے خوبصورت پوسٹ، جبکہ دوسرے نے دعا دی کہ اللّٰہ آپ کو اپنی بیٹی کے ساتھ سلامت رکھے، آمین۔

شوبز انڈسٹری کی معروف اداکارہ عائزہ اعوان کا کہنا ہے کہ ہفتے میں دو بار پھول دینے والے سے شادی کروں گی۔

اداکارہ عائزہ اعوان نے حال ہی میں نجی ٹی وی کے مزاحیہ شو میں شرکت کی جہاں سامعین میں موجود مداح نے سوال کیا کہ آپ نے کہا تھا کہ آپ دوست نہیں بنانا چاہتیں اس کی وجہ کیا ہے؟

جواب میں اداکارہ نے کہا کہ مجھے ایسا لگتا ہے کہ میں دوستیاں نبھا نہیں پاتی۔

میزبان نے وجہ پوچھی تو اداکارہ نے کہا کہ مجھے اب تک میرے مطلب کے دوست نہیں ملے ہیں، میری زندگی کا سب سے بڑا مسئلہ یہ ہے کہ مجھے جھوٹے لوگ نہیں پسند ہیں۔

عائزہ اعوان نے کہا کہ میں جھوٹے لوگوں کو دیکھ کر ایک کونا پکڑ لیتی ہوں۔

یہ پڑھیں: میں دوست نہیں بناتی۔۔ عائزہ اعوان نے وجہ بھی بتادی

اداکارہ نے جیون ساتھی سے متعلق کہا کہ وہ دراز قد ہونا چاہیے، جھوٹا نہ ہو اور اسے پتا ہو کہ وہ کیا چاہتا ہے، جذباتی طور پر اچھا ہونا چاہیے اسے کچھ سمجھانا نہ پڑے۔

انہوں نے کہا کہ جیون ساتھی وہ ہونا چاہیے جو ہفتے میں دو بار مجھے پھول لا کر دے، اچھا ہو، امیر ہونا ضروری نہیں ہے۔

عائزہ اعوان نے کہا کہ اتنا ہونا چاہیے کہ بچوں کو اچھی تعلیم دے سکیں، غریب بھی ہو تو دیکھ لیں گے کیونکہ نصیب بھی ساتھ ہوتا ہے۔