آزاد کشمیر اور گلگت بلتستان میں پہاڑوں پر برف باری کا سلسلہ جاری ہے۔ ملک کے میدانی علاقے اس وقت شدید سردی کی لپیٹ میں ہیں۔ ملک کے بیشترشہروں میں سردی کی شدت نے لوگوں کے ہاتھ پاؤں سُن کردیئے۔

کہیں یخ بستہ ہوائیں تو کہیں برف باری اور کہیں سورج چھپا ہے بادلوں کی اوٹ میں آزاد کشمیرکے بالائی علاقوں وادی نیلم ، اٹھ مقام اور گریز سمیت کئی علاقوں میں وقفے وقفے سے برف باری کا سلسلہ جاری ہے، گلگت بلتستان میں برف باری تھمنے کے بعد سردی بڑھ گئی ۔

لاہور سمیت پنجاب کے مختلف شہروں میں شہری سخت سردی کو بھی انجوائے کر رہے ہیں کھلے آسمان تلے انگھیٹیاں جلا کر گرما گرم کھانوں اور بار بی کیو کا مزہ لیا جارہا ہے تو کہیں سوپ کافی اور کشمیری چائے سرد موسم کا مزہ دے رہی ہے۔

کراچی میں کچھ سردی تھمی لیکن اندرون سندھ کئی شہروں میں سردی کا راج بر قرار ہے سردی عروج پر ہے اور گرم کپڑوں کی خریداری کے لئے لنڈا بازاروں میں رش لگا ہے۔ محکمہ موسمیات کے مطابق ملک کے بیشتر علاقوں میں کل سے سردی کی شدت میں کسی حد تک کمی کا امکان ہے۔

شدید سردی میں مختلف شہروں میں گیس کےکم پریشراورلوڈشیڈنگ سےگھریوصارفین کو شدید مشکلات کا سامنا ہے۔ایک جانب تو ملک میں شدیدسردی کی لہرجاری ہے تو دوسری جانب ٹھنڈ کی شدت میں اضافے کے بعد مختلف شہروں میں گیس نایاب ہو کر رہ گئی۔

کہیں گیس پریشر میں کمی کہیں گھنٹوں کی بندش نے شہریوں کاجینامحال کردیا۔ فیصل آباد ، ساہیوال سمیت پنجاب کے مختلف علاقوں میں گیس لوڈشیڈنگ کا دورانیہ پندرہ گھنٹے سے تجاوز کرگیا ہے، گھروں میں گیس نہ آنے کےباعث شہری باہر ہوٹلوں سے مہنگا کھانا لینے پر مجبور ہیں۔

کوئٹہ سمیت بلوچستان کے کئی شہروں میں بھی صورتحال مختلف نہیں جہاں خون جما دینے والی سردی میں گیس پریشر میں کمی نے شہریوں کو دہری اذیت میں مبتلا کر رکھا ہے۔حکومتی یقین دہانیوں کے باوجود گیس فراہمی کی صورتحال میں بہتری نہیں آسکی ۔

شہریوں نے مطالبہ کیا ہے کہ اس مسئلے سے نجات دلائی جائے تاکہ شدید سرد موسم میں ان کی پریشانیوں میں کمی آسکے۔

مقبوضہ کشمیر میں بھارتی ناجائز قبضہ اور انسانیت سوز مظالم کے خلاف ،آزاد کشمیر ،مقبوضہ وادی اور پاکستان سمیت دنیا بھر میں آج کشمیری یوم حق خودارادیت منا رہے ہیں.

ستم شعار سے تجھ کو چھڑائیں گے اک دن میرے وطن تیری جنت میں آئیں گے اک دن پانچ جنوری انیس سو انچاس کو اقوام متحدہ میں کشمیریوں کوحق خوداردیت دینے کے لیے قرارداد منظور کی گئی تھی، لیکن بھارت نے ان قرادادوں پر برسوں بعد بھی عمل نہیں کیا ۔آزادی تو دور کی بات بھارت نے مقبوضہ کشمیر میں انسانیت سوز مظالم ڈھائے۔جبکہ ستائیس ستمبر دوہزار تیرہ کو اقوام متحدہ کی جنرل اسمبلی کے اجلاس میں وزیر اعظم پاکستان نے مسئلہ کشمیر کو اقوام متحدہ کی قرادودوں کے مطابق حل کرنے کا مطالبہ کرتے ہوئے کشمیریوں کی ترجمانی کی۔

وزیر اعظم کشمیری عوام کا یوم خودارادیت منانے کا مقصد بھارتی مظالم کو دنیا کے سامنے بے نقاب کرنا ہے۔ بھارت نے اقوام متحدہ کی قرادادوں کی پامالی کرتے ہوئے کشمیریوں کو ان کے بنیادی حق سے محروم کر کے ان کے حق خودارادیت کی تحریک کو مزید تیز کر دیا ہے، شاہ محمود قریشی مشرقی تیمور اور جنوبی سوڈان کے لوگوں کو تو ان کا حق کوخودارادیت مل گیا ہے لیکن کشمیریوں کو ابھی تک اس حق سے محروم رکھا گیا ہے، اقوام متحدہ کو کشمیریوں کے مطالبہ پورا کر کے اپنی غیر جانبداری کا ثبوت دینا ہوگا۔
   

سابق صدر پرویز مشرف کے وکیل احمد رضا قصوری نے کہا ہے کہ پرویز مشرف بیمار ہیں، وہ کل عدالت میں پیش نہیں ہوسکتے، اگر ہمیں آج پرویز مشرف کی میڈیکل رپورٹ نہ ملی تو خصوصی عدالت سے زبانی درخواست کریں گے کہ انہیں حاضری سے استثنیٰ دیا جائے۔

سابق صدر پرویز مشرف کی وکیل احمد رضا قصوری نے میڈیا سے بات کرتے ہوئے کہا ہے کہ مشرف بیماری کی وجہ سے کل غداری کیس میں عدالت میں پیش نہیں ہونگے۔۔۔۔۔ پرویز مشرف کی بیماری کا عدالت اور ساری دنیا کو علم ہے،مشرف کوئی عام آدمی نہیں، انہیں پوری دنیا جانتی ہے، وہ بیمار ہیں اور کل عدالت میں پیش نہیں ہو سکتے۔

کوشش ہے کہ ڈاکٹرز کی رائے کو کل رپورٹ کی صورت میں عدالت میں پیش کر سکیں۔۔۔۔ اگر ہمیں آج پرویز مشرف کی میڈیکل رپورٹ نہ ملی تو خصوصی عدالت سے زبانی درخواست کریں گے کہ انہیں حاضری سے استثنیٰ دیا جائے۔

احمد رضا قصوری کا کہنا تھا کہ پرویز مشرف کی بیرون ملک روانگی کا فیصلہ میڈیکل رپورٹ آنے کے بعد ہی ہوگا مشرف کی حالت خطرناک نہیں تاہم ان کی طبیعت میں دباؤ ہے ۔ انہوں نے کہا کہ ڈاکٹر کی رائے حتمی ہوتی ہے اور اس کے الفاظ آخری ہوتے ہیں چھ جنوری کو رپورٹ آجائے گی جسے کوئی چیلنج نہیں کرسکتا ۔۔۔گزشتہ روز صہبا مشرف کی جانب سے مشرف کا نام ای سی ایل سے نکالنے کیلئے درخواست دی گئی تھی جسے وزارت داخلہ نے مسترد کردیا تھا۔
    

اداکارہ میرا نے فلاحی اسپتال کے منصوبے کے لئےسے زمین مانگ لی، کہتی ہیں نہ سیاست نہ شادی، ابھی صرف فلاحی کام کرنے کا ارادہ ہے۔لاہور میں گورنر پنجاب چودھری محمد سرور سے ملاقات کے بعد میڈیا سے گفتگو کرتے ہوئے اداکارہ میرا کا کہنا تھا کہ گورنر پنجاب نے اسپتال کی تعمیر کے لئے کمیٹی بنادی ہے جو زمین کی خریداری کے لئے جلد ہی مناسب جگہ کی نشاندہی کرے گی،

ان کا کہنا تھا کہ اسپتال کا منصوبہ انتہائی سنجیدہ اور انسان دوست ہے، میڈیا بھی اس حوالے سے سنجیدگی کا مظاہرہ کرے، اداکارہ میرا نے کہا کہ گورنر پنجاب انتہائی خدا ترس اور مثبت شخص ہیں، جن سے ملاقات کرکے خوشی ہوئی۔

ان کا کہنا تھا کہ ابھی ان کا سیاست میں آنے کا کوئی ارادہ نہیں، پاکستان میں غریب آدمی کے علاج معالجہ کی مناسب سہولیات موجود نہیں ہیں، اسپتال کی تعمیر کے لئے وزیراعلیٰ شہباز شریف سمیت تمام لوگوں سے ملاقات کروں گی۔ شادی کے سوال پر ان کا کہنا تھا کہ ابھی ان کا شادی کا کوئی ارادہ نہیں ہے۔