پاکستانی کرکٹر عمر اکمل نے قومی ٹیم میں واپسی کی خواہش پر ویاب ریاض کے ردعمل کے بارے میں چونکا دینے والے انکشافات کیے ہیں۔
16 ٹیسٹ، 121 ون ڈے اور 84 ٹی 20 انٹڑنیشنل میچوں میں پاکستان کی نمائندگی کرنے والے عمر اکمل 2019 سے قومی ٹیم سے باہر ہیں جبکہ وہ آخری بار سری لنکا کے خلاف تین میچوں کی ہوم سیریز کے دوران ایکشن میں دکھائی دیے تھے۔
نجی ٹی وی سے گفتگو کرتے ہوئے عمر اکمل نے انکشاف کیا کہ انہوں نے ٹیم کے سابق منیجر وہاب ریاض کو پاکستان کے لیے کھیلنے کی خواہش ظاہر کی۔
انہوں نے کہا کہ میں یہ کہتا رہا ہوں کہ میں کھیلنا چاہتا ہوں اور مجھ سے پوچھا جارہا ہے کہ کیا میں ٹرائلز میں حاضر ہوا؟ وہب ریاض نے مجھ سے پوچھا ’کیا تم نے ٹرائل میچز کھیلے ہیں؟‘ میں نے کہا ’آپ کس بارے میں بات کررہے ہیں؟ میں نے ان سے کہا کہ میں دستیاب ہوں۔‘
یہ پڑھیں: سنچری کی تو وقار یونس نے کہا ٹیسٹ میں ٹی 20 شروع کردیا ہے، عمر اکمل
اس سے قبل انٹرویو میں عمر اکمل نے سابق ہیڈ کوچ وقار یونس سے اپنے اختلافات کے بارے میں دعوے کیے تھے۔
اکمل نے کہا تھا کہ جہاں ٹیسٹ میچ میں سنچری بنانے کے بعد وقار یونس نے تعریف کرنے کے بجائے کہا کہ ’تم نے ٹیسٹ میں ٹی 20 کرکٹ کھیلنا شروع کردی ہے۔
ان کا کہنا تھا کہ دوسری اننگز میں جب جلدی آؤٹ ہوا تو وقار یونس کہنے لگے اب کہاں گئی تمہاری ٹی 20 کرکٹ۔
انہوں نے کہا کہ اس طرح کے تبصروں نے نوجوان کھلاڑی طور پر ان کا حوصلہ پست کردیا۔
