برصغیر کی مرفہ الحال ریاست حیدر آباد دکن کے سید علی بلگرامی کا تذکرہ آج اگرچہ شاذ ہی ہوتا ہے، مگر وہ اپنے دور کی ایک نہایت بلند پایہ علمی اور ادبی شخصیت تھے۔ انھیں شمس العلماء کے خطاب سے سرفراز کیا گیا تھا۔ سید علی بلگرامی نے ایک مصنّف، محقق اور مترجم کی حیثیت سے متعدد تصانیف یادگار چھوڑی ہیں۔

سید علی بلگرامی 1851ء میں پیدا ہوئے تھے۔ لکھنؤ، پٹنہ کی جامعات اور جامعہ لندن سے تعلیم حاصل کرنے والے سید علی بلگرامی کو علم و فنون کا بڑا مربی اور سرپرست بھی کہا جاتا ہے۔ ان کے قلم سے نصف درجن سے زائد تحقیقی کتابیں سامنے آئیں جن میں سے چند نام فارسی کی قدر و قیمت بہ مقابلہ سنسکرت، رسالہ در تحقیق کتاب قلیلہ و دمنہ، تمدنِ عرب (ترجمہ) اور تمدنِ ہند (ترجمہ) ہیں۔ 3 مئی 1911ء کو سید علی بگرامی اس دارِ‌ فانی کو چھوڑ گئے تھے۔

سید علی بلگرامی کے جدِ امجد مولوی گورنر جنرل ہند کے دربار میں نواب وزیر آف اودھ کے نمائندے تھے۔ بلگرامی صاحب کے والد زین الدّین حسن 1878 میں ریاست حیدرآباد میں کمشنر انعام بن کر آئے تھے اور یہیں علی بلگرامی نے خاصا وقت گزارا۔ انھوں‌ نے 1866ء میں فارسی و عربی کے ساتھ دیگر تعلیم گھر پر ختم کی اور بعد میں اعلی تعلیم کے لیے انگلستان گئے۔ علی بلگرامی نے فطری ذہانت اور حافظہ سے متعدد زبانیں سیکھیں اور حیدرآباد میں قیام کے دوران مرہٹی اور تیلگو بھی سیکھ لی تھی۔ فرانسیسی زبان میں گفتگو کرتے تھے اور قلم برداشتہ لکھتے تھے۔ مشہور ہے کہ وہ چودہ زبانیں ایسے لہجے میں بولتے تھے کہ یہ سب گویا ان کی مادری زبانیں ہیں۔

سید علی بلگرامی انگلستان اور یورپ میں قیام کے بعد ہندوستان لوٹے تو انھیں انسپکٹر جنرل معدنیات مقرر کر دیا گیا۔ 1902ء میں وہ جامعہ کیمبرج میں مرہٹی کے پروفیسر مقرر ہوئے۔ سید علی بلگرامی کو گورنمنٹ آف انڈیا نے ان کی علمی خدمات کے اعتراف میں 1893ء میں شمس العلماء کا خطاب دیا تھا۔ برطانوی جامعہ نے ان کو پی ایچ ڈی اور ڈاکٹر آف لیٹرز (ڈی لٹ) کی ڈگریاں دیں۔ آل انڈیا ایجویشنل کانفرنس کا سالانہ جلسہ جو اس زمانے میں علی گڑھ میں ہوا تھا اس میں علی بلگرامی نے ایک تحقیقاتی مقالہ کلیلہ و دمنہ پڑھا۔ انھوں نے بڑی محنت اور لگن سے کام کرکے یہ معلوم کیا کہ یہ کتاب اصل میں کہاں سے نکلی، کہاں کہاں گھومی، کس کس زبان میں اس کا ترجمہ ہوا اور اس میں کیا کیا تبدیلیاں ہوتی گئی اور اصل سے موجودہ نسخے کتنے مختلف ہوتے گئے۔ ڈاکٹر گستاؤ لی بان کی دو فرانسیسی تصانیف تمدنِ ہند اور تمدنِ عرب کا اردو ترجمہ ان کے شاہکار مانے جاتے ہیں۔ ایلورا کے غاروں پر ان کا تحقیقی کام بھی قابل ذکر ہے جس میں انھوں نے بڑی چھان بین کے بعد اس حیرت انگیز تاریخی ورثے پر معلوماتی کتابچہ لکھا جو بعد میں اس شعبہ میں آنے والوں کے لیے مددگار اور مفید ثابت ہوا۔

سید علی بلگرامی مرگِ ناگہاں سے دوچار ہوئے کہ ہردوئی میں ایک رات کھانا کھانے کے بعد جب وہ اپنے اہلِ خانہ سے محوِ گفتگو تھے تو اسی اثنا میں‌ حرکتِ قلب بند ہوگئی۔

اداکار و میزبان سلمان ثاقب شیخ المعروف مانی کا کہنا ہے کہ اہلیہ حرا کو سپورٹ کرتا ہوں تو لوگ زن مرید کہتے ہیں۔

اداکار مانی نے حال ہی میں احمد علی بٹ کے پوڈ کاسٹ ’ایکسکیوز می‘ میں شرکت کی جہاں انہوں نے مختلف موضوعات پر اپنی رائے کا اظہار کیا۔

انہوں نے کہا کہ لوگ کہتے ہیں کہ یہ اپنی بیوی کو بہت زیادہ سپورٹ کرتا ہے یہ زن مرید لگتا ہے، ہونا چاہیے اس میں کیا برائی ہے، اگر میری بیٹی بھی ہوتی تو چاہتا تھا کہ وہ ایتھلیٹ بن جائے اور اپنے پیرو پر کھڑی ہو۔

مانی نے کہا کہ جن معاشروں میں خواتین مردوں برابر کام کرتی ہیں ان میں نہ لڑائی جھگڑے ہوتے ہیں، نہ مالی مسائل ہوتے ہیں بلکہ خوشحالی ہوتی ہے، ہم نے زبردستی کا خاندانی سسٹم بنایا ہوا ہے کہ سب ساتھ مل کر رہیں گے، میں بہت پہلے بول چکا ہوں کہ یہ زبردستی کا سسٹم، اقدام جو ہے یہ وہ برصغیر کا مسئلہ ہے۔

اداکار نے کہا کہ ہم ویسٹرن نہیں اگر حرا نہیں ہوتی کوئی اور میری اہلیہ ہوتی اور اس میں ٹیلنٹ ہوتا تو میں اسے کرنے دیتا کیونکہ وہ یہ نہ کہے کہ میں نے کچھ کرنے نہیں دیا، میں چاہتا ہوں کہ کسی بھی لڑکی میں ٹیلنٹ ہے اسے آگے آنا چاہیے۔

مانی نے کہا کہ یہ بات والد صاحب سے مجھ میں آئی وہ خود اداکار تھے اور چاہتے تھے کہ بیٹی عائشہ بھی اداکارہ بنے، اس نے بھی تھیٹر میں اپنے زمانے میں اداکاری کی جب اس کی شادی ہوئی تو اس نے چھوڑ دیا، ہم یہ سلسلہ روکنا نہیں چاہتے اگر خاندان میں کسی لڑکی میں ٹیلنٹ ہے تو اسے روکنا نہیں چاہیے۔