عوامی نیشنل پارٹی کے مرکزی رہنما غلام احمد بلور نے کہا ہے کہ آرٹیکل چھ صرف پرویز مشرف پر نہیں بلکہ ان تمام افراد پر عائد ہونا چاہئیے جنھوں نے آئین شکنی میں ان کی مدد کی تھی۔

عوامی نیشنل پارٹی کے رہنما بشیر احمد بلور کی برسی کے موقع پر منقعدہ تقریب سے خطاب کرتے ہوئے غلام بلور نے کہا کہ فیصلے ہمیشہ پنجاب سے آئے ہیں اور جنرل پرویزمشرف کے بارے میں بھی فیصلہ وہیں آئے گا، تاہم انکی جماعت کا واضح موقف ہے کہ آرٹیکل چھ صرف مشرف پر نہیں بلکہ اسکا ساتھ دینے والوں اور سابق آمروں پر بھی لگنا چاہئیے۔

غلام احمد بلور نے کہا کہ عمران خان نے تبدیلی کے نام پر ووٹ لیا مگر سات ماہ میں کچھ تبدیل نہیں ہوا۔ وہ دہشت گردی کے خاتمے کیلئے حکمرانوں سے عملی اقدامات کرنے کی درخواست کریں گے خواہ وہ مذاکرات پر مبنی ہو یا آپریشن کے زریعئے، اے۔ این۔ پی کے رہنما کا کہنا تھا ہندوستان، افضانستان، ایران اور بنگلہ دیش کو اعتماد میں لئیے بغیر ملک سے دہشت گردی کا خاتمہ ناممکن ہے۔

غلام احمد بلور مرکزی رہنما عوامی نیشنل پارٹی تقریب سے پی۔پی کے رہنما نوید چوہدری، لیبر پارٹی کے فاروق طارق، جمعیت علمائے اسلام لاہور کے امیر قاری ثنا اللہ اور اے۔این۔پی کے سیکرٹڑی جنرل احسان وائین نے بھی خطاب کیا اور بشیر بلور کو انکی قومی خدمات پر خراج عقیدت پیش کیا۔
    
   

امور خارجہ کے مشیر سرتاج عزیز کا کہناہے کہ امریکا کو ڈرون حملوں پر اپنی پالیسی پر نظر ثانی کرنا ہوگی، ڈرون حملے قبائلی روایات کو چیلنج کرتے ہیں۔

اسلام آباد میں کتاب کی تقریب رونمائی سے خطاب میں سرتاج عزیز کا کہناتھا کہ بین الاقوامی افواج کے افغانستان آنے سے نہ امن قائم ہوا نہ جمہوریت آئی ۔ہمارے قبائلی علاقے غیر مستحکم ہوئے۔

سرتاج عزیز کا مزید کہناتھا کہ پاکستان کے قبائلی علاقوں میں ڈرون حملوں نے خطرناک صورتحال پیدا کر دی ہے۔ امریکہ کو ڈرون حملوں پر اپنی پالیسی پر نظر ثانی کرنا ہو گی ،ڈرون حملے قبائلی علاقوں کی روایات کو چیلنج کرتے ہیں ،مشیر خارجہ امور کا کہناتھا کہ امریکہ میں سول ادارے وار آن ٹیرر کے خلاف بول رہے ہیں۔

ایم کیوایم کا وفد سابق صدر پرویز مشرف کی عیادت کیلئے اسپتال پہنچ گیا، وفد میں سیکڑوں کی تعداد میں گلدستے لئے ہوئے کارکن شریک تھے۔

سابق صدر پرویز مشرف کی بیماری کے بعد ان کے حامی اور مخالفین میں بیان بازی زوروں پر ہے، ایم کیو ایم کاوفد سیکروں کی تعداد میں گلدستے لئے اے ایف آئی سی پہنچ گیا ، تاہم سینیٹر طاہر مشہدی کی قیادت میں جانے والے وفد کو سابق صدر پرویز مشرف کی عیادت کی اجازت نہیں دی گئی ،اس موقع پر طاہر مشہدی کا کہناتھا کہ ہم پرویز مشرف کی عیادت کیلئے آئے ہیں۔

ان کا کہناتھا کہ پرویز مشرف کو انتقام کا نشانہ نہ بنایا جائے ،اگرکارروائی کرنی ہے تو سب کے خلاف کی جائے صرف پرویز مشرف کیخلاف کیوں کی جارہی ہے، ان کا یہ بھی کہناتھا کہ پرویز مشرف کو بیرون ملک علاج کی اجازت ملنی چاہیے ،ایم کیو ایم مشرف کی صحت یابی کیلئے دعا گو ہیں۔