مشرقی افغانستان میں ایساف کا طیارہ گر کر تباہ ہوگیا، جس کے نتیجے میں تین امریکی اہکار اور ایک شہری ہلاک ہوگئے۔

ایساف ترجمان کے مطابق طیارہ افغانستان کے مشرقی علاقے میں حادثے کا شکار ہوا، جس میں ایساف کے دو اہلکار اور ایک شہری ہلاک ہوئے، دوسری جانب خبررساں ایجنسی کے مطابق دفاعی حکام نے واقعہ کی تصدیق کرتے ہوئےکہا ہے کہ ایساف کا ایم سی بارہ طیارہ گرنے سے ایساف کے تین امریکی اہلکار ہلاک ہوئے ہیں۔

گذشتہ تین روز کے دوران یہ تیسرا واقعہ ہے، اس سے قبل امریکی ریاست ورجینیا میں نیوی اور برطانوی دارالحکومت لندن میں آرمی ہیلی کاپٹر گر کر تباہ ہوا، جس میں مجموعی طور پر چار امریکی فوجی ہلاک ہوئے۔
   

امریکا میں خاتون بھارتی سفارتکار پر جعلی دستاویزات پیش کرنے پر فرد جرم عائد کردی گئی، جرم ثابت ہونے پر دس سال کی سزا سنائی جاسکتی ہے۔

غیرملکی میڈیا کے مطابق نیو یارک کی ایک عدالت نے گھریلو ملازمہ کے حوالے سے جعلی دستاویزات پیش کرنے پر بھارتی سفارت کار دیویانی كھوبرا گڑے پر فرد جرم عائد کر دیا، پراسیکیوٹر نے عدالت کو آگاہ کیا کہ سفارت کار کوعدالتی کارروائی سے استثنیٰ حاصل ہے تاہم وہ اس وقت امریکا سے روانہ ہوچکی ہیں۔

گذشتہ ماہ دیوانی کھوبرا گڑے کو گرفتار کرکے ان پر الزام عائد کیا گیا کہ انہوں نے اپنی گھریلو ملازمہ کے ویزے کے حصول کے لیے غلط بیانی کی اور اسے کم تنخواہ ادا کی تاہم دیوانی ان تمام الزامات سے انکار کرتی ہیں اور وہ اسوقت ضمانت پر رہا ہیں۔

اگر بھارتی سفارت کار پر جرم ثابت ہو جاتا ہے تو انھیں ویزا دستاویزات میں فراڈ کےجرم میں دس سال کی سزا سنائی جاسکتی ہے جبکہ جھوٹ بولنے پر ان کو مزید پانچ سال کی سزا ہوسکتی ہے۔

عراقی شہر بغداد میں فوجی بھرتی مرکز پر خودکش بم دھماکے سے بائیس ریکروٹس ہلاک اور متعدد زخمی ہوگئے۔

عراقی وزارت داخلہ کے حکام کے مطابق دارالحکومت بغداد میں فوجی بھرتی مرکز پر فوج میں شامل ہونےکے لیے نوجوانوں کی بڑی تعداد موجود تھی کہ ایک خود کش بمبار نے وہاں اپنے جسم سے بندھے بارودی مواد میں دھماکا کردیا۔

دھماکے کے بعد قانون نافذ کرنیوالے اداروں نے سینٹر کو گھیرے میں لے کر زخمیوں کو اسپتال منتقل کیا۔
   

شامی شہر حما ذوردار دھماکے سے لرز اٹھا، کار بم دھماکے میں خواتین اور بچوں سمیت اٹھارہ افراد جان بحق درجنوں زخمی ہوگئے۔

دھماکہ شہر کے مرکزی حصے میں واقعے اسکول کے قریب ہوا، جس کے باعث متعدد بچے جاں بحق ہوئے، غیر ملکی خبر ایجنسی کے مطابق زخمی ہونے والے افراد کی حالت نازک ہے، جس سے ہلاکتوں میں اضافے کا خدشہ ہے۔

حاما میں باغی گروپوں میں شدید جھڑپوں کے باعث اشیا خور ونوش کی فراہمی منتقل ہوگئی ہے، شام میں گذشتہ تین دنوں میں پر تشدد کارروائیوں کے نتیجے میں تین سو سے زائد افراد ہلاک ہوچکے ہیں۔
   

تیونس کے وزیراعظم علی لارید نے عوامی احتجاج کے سامنے سرینڈر کرتے ہوئے استعفے کا اعلان کردیا۔

تیونس کے وزیراعظم علی لارید نے اپوزیشن کے ساتھ ڈیل پر اتفاق کرتے استعفے کا اعلان کیا، علی لارید کا کہنا تھا کہ انہوں نے ملک میں جمہوریت کی منتقلی لیے یہ قدم اٹھایا۔

نگران وزیر اعظم کے لئے مہدی جوما کو نامزد کیا ہے، آئندہ چند دنوں میں نئی نگران کابینہ تشکیل دے دی جائیگی، علی لارید نے امید ظاہر کی کہ نگران کابینہ منصفانہ طور پر انتخابات کا انعقاد کرتے ہوئے جمہوریت کو فروغ دے گی۔

استعفے کے باوجود عوام کیجانب سے احتجاج جاری رہا، مظاہرین نے حکومت کی ناقص پالیسیوں کو عوام کی بدحالی کا سبب قرار دیا۔
   

جنوبی سوڈان میں خون خرابہ روکنے کے لیے عالمی کوششوں میں تیزی آگئی، امریکی قومی سلامتی کی مشیر سوزن رائس نے جنوبی سوڈانی صدر سلوا کیر اور باغی رہنما رائیک میچر سے جنگ بندی کی اپیل کر دی۔

غیر ملکی خبر رساں ادارے کے مطابق سوزن رائس نے اپنے جاری کردہ بیان میں فریقین پر زور دیا کہ وہ بات چیت کو نتیجہ خیز بنائیں، ان کا کہنا تھا کہ امریکہ سوڈان کے متحارب گروہوں کے مابین ہونے والے مذاکرات کا خیر مقدم کرتا ہے اور چاہتا ہیں کہ دونوں گروہ تشدد کا خاتمہ کرکے جنگ بند کا اعلان کریں۔

یاد رہے کہ گذشتہ ایک مہینے کے دوران لڑائی کے باعث جنوبی سوڈان میں ایک ہزار سے زائد افراد ہلاک ہوچکے ہیں جب کہ دو لاکھ افراد بے گھر ہوچکے ہیں۔
   

جاپان میں مٹسوبشی کے پلانٹ میں دھماکے کے نتیجے میں پانچ افراد ہلاک سترہ زخمی ہوگئے۔

جاپان کے شہر یوکیچی میں واقع مٹسوبشی میں دھماکہ فیکٹری بند ہونے کے وقت ہوا، دھماکے کے نتیجے میں آگ بھڑک اٹھی، جس نے دیکھتے ہی دیکھتے شدت اختیار کرلی۔

فائر بریگیڈ کی گاڑیوں نے فوری طور پر کاروائی کرتے ہوئے آگ پر قابو پالیا، ابتدائی تحقیقات کے مطابق خیال کیا جارہا ہے کہ کام ختم ہونے کے بعد کیمیکل پلانٹ کی صفائی کے دوران دھماکہ ہوا۔