صوبائی محکمہ صحت کے مطابق پنجاب میں ڈینگی کے مزید دس کیسز کی تشخیص ہوگئی۔
پنجاب میں ڈینگی کا وار برقرار ہے، محکمۂ صحت کے مطابق پنجاب میں مزید دس ڈینگی کے کیسز کی تشخیص ہوئی ہے، راولپنڈی کے چھ مریض ہولی فیملی ہسپتال اور لاہور کے چار مریض میو ہسپتال میں زیرِ علاج ہیں۔
دس کیسز کی تشخیص کے بعد پنجاب میں ڈینگی کے مریضوں کی تعداد ایک سو چوالیس ہوگئی ہے، راولپنڈی میں اب تک تریسٹھ ، لاہور میں اڑتیس اور شیخوپورہ میں انتیس ڈینگی کے کیسز رپورٹ ہوئے ہیں۔
اُوچ شریف: کراچی سے راولپنڈی جانے والی بس تیز رفتاری کے باعث الٹ گئی، حادثہ میں دوخواتین سمیت آٹھ افراد جاں بحق اورچالیس کے قریب زخمی ہوگئے۔
پولیس کے مطابق بس کراچی سے راولپنڈی کے سفر پر رواں دواں تھی کہ اوُچ شریف کے قریب بھلیکے والا پل کے مقام پر تیز رفتاری سے موڑ کاٹتے ہوئے الٹ کر پل سے نیچے جا گری، جس کےنتیجے میں دو خواتین سمیت آٹھ افراد خالق حقیقی سے جا ملے جبکہ چالیس زخمی ہوئے۔
جنہیں پولیس اور ریسکیو اہلکاروں نے قریبی اسپتال منتقل کر دیا ہے، زخمیوں کا کہنا ہے کہ عیدالاضحی کی وجہ سے بس میں گنجائش سے زیادہ لوگ سوار تھے۔
لندن :انگلینڈ مشہور آرٹ گیلری گریٹ گیلری آف آرٹ تزئین و آرائش کے بعدعوام کے لئے کھول دی گئی ہے۔
یورپ کی سب سے مشہور اور معتبر آرٹ گیلری پانچ ملین پاؤنڈ کے خرچ کے بعد نمائش کے لئے کھول دی گئی، اس گیلری میں دنیا کے مشہور آرٹسٹوں کےفن پارے نمائش کے لئے رکھے گئے ہیں۔
دنیا بھر سے آرٹ کے دلدادہ اس گیلری میں رکھی جانے والی پیٹنگز کو دیکھنے کے لئے جمع ہوتےہیں، حالیہ تزئین و آرائش کے بعد سترہویں صدی کے آرٹسٹ ویلاکیوز، رابن اور ٹاٹن کے فن پارے بھی آرٹ گیلری میں گراں قدر اضافہ ہے۔
خیبر ایجنسی: آپریشن ضربِ عضب کامیابی سے جاری ہے، باڑہ کے علاقے ملک دین خیل اور کوہی شیر حیدر میں جیٹ طیاروں کی بمباری سے دو شدت پسند ہلاک اور آٹھ زخمی ہوگئے ہیں۔
جون دو ہزار چودہ سے آپریشن ضربِ عضب کامیابی سے جاری ہے، افغان سرحد سے ملحقہ قبائلی علاقے خیبر ایجنسی کی تحصیل باڑہ کے علاقے ملک دین خیل اور کوہی شیر حیدر میں پاکستانی جیٹ طیارورں نے دہشت گردوں کے ٹھکانوں کو نشانہ بنایا ہے، جس میں دو شدت پسند ہلاک اور آٹھ زخمی ہونے کی اطلاع ہے۔
پاک فوج کی جانب سے آپریشن ضربِ عضب میں اب تک نو سو سے زائد دہشت گردوں کو ہلاک کیا جاچکا ہے، متعدد بارودی سرنگیں بنانے کی فیکٹریاں تباہ کر دی گئیں ہیں جبکہ بڑی مقدار میں گولہ بارود بھی پکڑا جاچکا ہے۔
منی:لاکھ خوش قسمت مسلمان آج حجِ اکبر ادا کریں گے، گزشتہ رات حجاج کرام نے میدانِ عرفات میں قیام کیا، جسے وقوفِ عرفات کہتے ہیں، وقوفِ عرفات کو حج کا رکن اعظم کہا جاتا ہے، وقوفِ عرفات کے بعد حجاج مسجد نمرہ میں نماز ادا کریں گے، سعودی عرب کے مفتی اعظم شیخ عبدالعزیز الشیخ مسجد نمرہ میں خطبۂ حج دیں گے۔
حجاج کرام نماز فجر کے بعد میدانِ عرفات روانہ ہونا شروع ہوگئے ہیں، جہاں وہ حج کا رکن اعظم وقوف عرفات ادا کریں گےاور خطبہ حج کے بعد نماز ظہر اور نماز عصر ایک ساتھ ادا کریں گے۔
نماز عصر اور مغرب کے درمیان وقوفِ عرفات ہوگا، جس میں حاجی اللہ رب العزت کے حضور انتہائی خشوع و خضوع کے ساتھ دعائیں کریں گے، سورج غروب ہونے کے ساتھ ہی حاجیوں کیلئے فوری طور پر میدان عرفات چھوڑنے کا حکم ہے۔
جس کے بعد حجاجِ کرام خطبۂ مزدلفہ روانہ ہونگے، مزدلفہ پہنچنے کے بعد حاجی سب سے پہلے نمازِ مغرب اور نمازِ عشاء اکٹھی ادا کریں گے اور کنکریاں چننے کے بعد رات کھلے آسمان کے نیچے مزدلفہ میں قیام کریں گے۔
دس ذوالحج کو نمازِ فجر کی ادائیگی کے بعد حاجی منیٰ واپس پہنچیں گے، جہاں پہلے دن بڑے شیطان کو کنکریاں مار کر قربانی کریں گے اور رمی کے بعد بال منڈوا کر احرام کھول دیں گے۔
گیارہ ذوالحج کو بھی حاجی شیطانوں کو کنکریاں ماریں گے اور اس دن بھی رات کا ایک خاص پہر منیٰ میں قیام کرنے کا حکم ہے، بارہ ذوالحج کو آخری دن شیطان کو کنکریاں مارنے کے بعد حاجیوں کی مکہ کے لئے واپسی شروع ہوجائیگی۔
بارہ ذوالحج مغرب سے پہلے پہلے تمام حاجیوں کیلئے لازم ہے کہ وہ مکتہ المکرمہ مسجدالحرام پہنچ کر طواف زیارت کریں، اس کے ساتھ ہی مناسک حج مکمل ہوجائیں گے۔
مکہ مکرمہ: خالص سونے، چاندی کے تاروں اور ریشم سے تیار کردہ غلاف کعبہ تبدیل کر دیا گیا ہے۔
مکہ مکرمہ میں غلافِ کعبہ کی تبدیلی کی روح پرور تقریب ہوئی، جس میں غلافِ کعبہ کو امام کعبہ شیخ عبدالرحمان السدیس نے مسجد الحرام کے کلید بردار شیخ عبدالقادرالشیبی کے حوالے کیا، غلافِ کعبہ پہلی مرتبہ مکمل طور پر سعودی عرب میں تیار کیا گیا ہے۔
نیا غلافِ کعبہ ایک سو پچاس کلوگرام سونے اور چاندی سے تیار کیا گیا ہے، جس پر بیس ملین سعودی ریال کی لاگت آئی ہے، غلافِ کعبہ کی تبدیلی کی تقریب ہرسال نو ذی الحج کو وقوفِ عرفہ کے روز ہوتی ہے۔
تاریخ میں پہلی مرتبہ فتحِ مکہ کی خوشی میں خانہ کعبہ پر سیاہ غلاف چڑھایا گیا تھا، اتارے جانے والے غلافِ کعبہ کسوہ کو ٹکڑوں کی شکل میں بیرونی ممالک سے آئے ہوئے سربراہان مملکت اور دیگر معززین کو بطور تحفہ پیش کردیا جاتا ہے۔
امام کعبہ اور حرمین شریفین کے نگران شعبے کے چیئرمین ڈاکٹر عبدالرحمن السدیس کا کہنا ہے کہ غلافِ کعبہ پہلی مرتبہ مکمل طور پر سعودی عرب میں تیار کیا گیا، اس سے قبل مسلم ممالک سے تیار کروایا جاتا تھا۔
غلافِ کعبہ کی تیاری میں چھ سو ستتر کلو گرام خالص ریشم استعمال کیا گیا اور قرانی آیات کی تزئین کے لئے سونے اور چاندی کے تار استعمال کیے گئے جبکہ جدید مشینوں کے زریعے قرانی آیات غلاف کعبہ پرکنداں کی گئی ہے۔
گورنر ہاؤس میں نیشنل سیکیورٹی اینڈ وار کورس کے شرکاء سے گفتگو کرتے ہوئے گورنرسندھ نے کہا کہ ایک عرصے سے لیاری جرائم کی آماجگاہ بنا ہوا ہے جہاں پر مختلف گروہ بھتہ خوری،اغواء برائے تاوان اور ٹارگٹ کلنگ میں ملوث ہیں،شہر میں مذہبی،لسانی،فرقہ وارانہ سمیت دیگر جرائم میں ملوث افراد بھی سرگرم ہیں جن کے روابط ملک دشمن عناصر سے بھی ہیں۔
انہوں نے کہا کہ رینجرز اور پولیس سمیت دیگر قانون نافذ کرنے والے ادارے مجرموں کی سرکوبی کی مکمل صلاحیت رکھتے ہیں جس میں وہ دن رات مصروف بھی ہیں۔
طبی ماہرین کے مطابق غذائیت سے بھرپورسیب میں فائبرکی بہتاب ہے جو پیکٹِن کہلاتا ہے اس سے کولسٹرول کو کم کرنے میں مدد ملتی ہے،سیب میں ایسے اجزا بھی ہیں جو کینسر کے خلاف کام کرتے ہیں،ماہرین کا کہنا ہے کہ سیب کے رس کے بجائے سیب کھانا زیادہ فائدہ مند ہے کیونکہ رس بنانے کے دوران فائبر،وٹامن اور مِنرل ضائع ہوجاتے ہیں۔
پولیس کےمطابق بس کراچی سے رالپنڈی کےسفر پررواں دواں تھی کہ اوُچ شریف کے قریب پھلیکے والا پل کے مقام پر تیز رفتاری سے موڑ کاٹتے ہوئے الٹ کر پل سے نیچے جاگری،جس کےنتیجےمیں دو خواتین سمیت آٹھ افرادخالق حقیقی سے جا ملے جبکہ چالیس زخمی ہوئے،جنہیں پولیس اور ریسکیو اہلکاروں نے قریبی اسپتال منتقل کر دیا،زخمیوں کا کہنا ہے کہ عید الاضحی کی وجہ سے بس میں گنجائش سےزیادہ لوگ سوار تھے۔
ہا ئی وے کا سفر تھکا دینے والا اور پرخطر ہوتا ہے جس سے انسان پر ذہنی دبائو میں اضافہ ہوتا ہے اور تیز رفتاری حادثے کا سبب بن سکتی ہے،مگر امریکہ میں نیو میکسیکوٹریفک حکام نے ایک ایسی سڑک بنائی ہے جس کے مخصوص ٹریک پر پینتالیس میل فی گھنٹے کی رفتار سے گاڑی چلائی جائے تو وہ موسیقی بکھیرتی ہے اور گاڑی چلانے والے کے اعصاب پر اچھا اثر پڑتا ہے اور سفر آسان محسوس ہو تا ہے۔
