کراچی : قائم مقام آئی جی سندھ غلام حیدر جمالی کا کہنا ہے کہ کراچی میں امن کی صورتحال بہتر بنانے کی کوشش کررہے ہیں، تاجر برادری کے تحفظات کو جلد دور کر دیا جائے گا۔
کراچی میں مختلف مارکیٹوں کے دورے کے موقع پر قائم مقام آئی جی سندھ غلام حیدر جمالی کا کہنا تھا کہ پولیس کی کارکردگی بہتر ہورہی ہے، پولیس مقابلوں میں ڈاکو اور دہشت گرد مارے جارہے ہیں، جس کی وجہ سے جرائم کی شرح میں کمی واقع ہوئی ہے۔
ان کا کہنا تھا کہ پولیس کو بلٹ پروف جیکٹس اور بکتربند گاڑیاں جلد فراہم کردی جائیں گی، آپریشن ضرب عضب کے ردعمل سے نمٹنے کیلئے حکمت عملی بنالی ہے، اسنیپ چیکنگ کو بڑھا دیا گیا ہے، جس کے بہترنتائج برآمد ہوں گے۔