برازیل میں تشدد کی لہر برقرار ہیں، فائرنگ کے مختلف واقعات میں بارہ افراد ہلاک ہوگئے۔

برازیل کے دارلحکومت ساؤ پالو میں چند گھنٹوں کے دوران فائرنگ اور پرتشدد واقعات میں مزید بارہ افراد ہلاک ہوگئے ہیں، پولیس کا کہنا ہے کہ ساؤ پالو کے شمالی علاقے میں نامعلوم مسلح افراد نے تین گھنٹے کے دوران ایک ہی طریقہ کار سے بارہ افراد کو موت کے گھاٹ اتار دیا ہے۔

پولیس کا کہنا ہے کہ مارنے والوں کی عمریں سترہ سے تیس سال کے درمیان ہیں، پولیس نے خدشہ ظاہر کیا ہے کہ ہلاک شدگان کا ملزمان سے لین کا دین کا معاملہ معلوم ہوتا ہے، تاہم مقتولین کے اہلحہ خانہ پولیس کے بیان پر سخت احتجاج کرتے ہوئے کہا ہے کہ حکومت اور پولیس جرائم پر قابو پانے میں بری طرح ناکام ہوگئی ہیں۔
    
   

امریکی ریاست میں ٹیکساس پل پر میٹ اولسن نامی سائیکل اسٹنٹ رائیڈر نے اپنی رائیڈنگ کے جوہر دکھائے۔

ڈیکو بی ایم ایکس کے پیشہ وارانہ ماہر میٹ اولسن نے اپنے ہیلمٹ پر کیمرہ لگا کر ٹیکساس کے نئے پل کے آخری کنارے پر زندگی اور موت کا جان لیوا کھیل دکھایا، جس نے وہاں موجود لوگوں کی دل کی دھڑکنیں ساکت کر دیں، اس جان لیوا کھیل سے وہاں موجود لوگ بہت لطف اندوز ہوئے۔
    
   

امریکی ریاست سان ڈیاگو کے چڑیا گھر میں نومولود زیبرا کو رونمائی کے شہریوں کے سامنے پیش کردیا گیا۔

امریکہ کے قدیمی چڑیا گھر سان ڈیاگو میں پیدائش کے بعد رونمائی کے لیے شہریوں کے سامنے پیش کیے جانے والے ننھے زیبرے کا وزن ایک ہزار پاونڈ ہے، اپنی لمبی گردن قد آور جسم ہونے کی وجہ سے یہ نایاب نسل شہریوں کے لیے زو انتظامیہ کی جانب سے نئے سال کا تحفہ قرار دیا جا رہا ہے۔

غیر ملکی میڈیا کے مطابق گرووی زیبرا کی یہ نسل انیس سو ستر میں پندرہ ہزارتک تھی، جو اب صرف بائیس سو تک پہنچ چکی ہے، معدومی کے خطرے سے دوچار گروی زیبرا کی زیادہ تعداد کینیا اور ایتھوپیا میں پائی جاتی ہے۔

زندگی بہت زیادہ مشینی ہوتی جا رہی ہے اور ہر معاملے میں مشین انسان پر حاوی ہوتی جا رہی ہے تاہم انسان فطرت سے کبھی منہ نہیں موڑ سکتا، انسانی ہاتھوں سے تیار کردہ اشیاء کی آج بھی خاصی اہمیت ہے۔

انیس سو بائیس سے قائم رومانیہ میں گلاس فیکٹری کے مالک کا کہنا ہے کہ دستکاری کی صنعت میں نئے آنے والے کارکنوں کی تعداد گو کہ کافی کم ہے تاہم ہاتھ سے بنی اشیاء کی طلب زیادہ ہے۔

اس گلاس فیکٹری میں انسانی ہاتھوں سے تیار کردہ خوبصورت، نفیس اور جاذب نظر اشیاء بنانے کے لئے گلاسز جرمنی اور جمہوریہ چیک ری پبلک سے درآمد کی جاتی ہے۔

شیشے سے بنے فانوس، موم بتی ہولڈرز ، پانی کے گلاس اور ڈیکوریشن پیسز خاصے پسند کیے جاتے ہیں، شیشے کو سولہ سو ڈگری سینٹی گریڈ پر پگھلا کر نہایت جاذب نظر اور نفیس اشیاء بنائی جاتی ہیں۔

فیکٹری مینیجرکا کہنا ہے کہ یہ کام دلچسپی کی متقاضی ہے تاہم بشمول نوجوان بہت کم لوگ ہیں جو ہاتھ سے بنی اشیاء کے ان کارخانوں میں کام کرنے میں دلچسپی رکھتے ہیں۔
   

امریکی خاتون اول مشعل اوباما کا پسندیدہ اور قیمتی سرخ گاؤن قومی عجائب گھر کی زینت بن گیا۔

مشعل اوباما نے اپنا پسندیدہ سرخ قیمتی گاؤن پہن کر گزشتہ سال وائٹ ہاؤس میں منعقد ایک تقریب امریکی صدر بارک اوباما کے ساتھ رقص کیا تھا، سرخ گاؤن کو امریکی فیشن ڈیزائنر جیسن واؤ نے تیار کیا تھا۔

مشعل اوباما کے پہنے ہوئے لباس کےعلاوہ ان کی سرخ رنگ کی سینڈل کو بھی عجائب گھر کی زینت بنایا گیا ہے، اس تاریخی عجائب گھر کے سو سال مکمل ہونے پرمشعل اوباما کے سرخ گاؤن اور سینڈل کو وہائٹ ہاؤس سے عارضی طور لیا گیا ہے، جو جنوری دوہزار پندرہ تک عجائب گھر میں نمائش کیلئے رکھا گیا ہے۔

یاد رہے کہ گزشتہ سال خاتون اول نے یہی سرخ لباس زیب تن کر کے امریکی صدر اوباما کے ساتھ رقص کیا تھا، جس کو پوری دنیا میں سراہا گیا تھا۔