ملک بھر میں سجنے والے رمضان بچت بازارعوام کو ریلف دینے میں ناکام ہیں ، کسی نے کہا کہ عام دکان اور بچت بازار میں کوئی فرق نہیں تو کسی نے دہائی دی کہ بچت بازاروں میں سامان ہی نہیں ۔

حکومت کی جانب سے لگائے گئے رمضان بچت بازاروں کا یہ دعویٰ ہے کہ بچت بازاروں میں آئیں اور پیسے بچائیں ، لیکن عوام نے ان بازاروں کو  چور بازار کا نام دے ڈالا۔ اسلام آباد کے شہری ان بچت بازاروں میں آکے پریشان ہیں، کہتے ہیں کہ عوام کو ان بازاروں کے نام پر کڑوی گولی دی گئی.

دکانداروں نے بھی صاف کہہ دیا کہ مال کے اچھے ریٹس نہیں ملتے اسی لئے سستا سامان مہنگے داموں فروخت کرنا مجبوری ہے، ملتان کے عوام نے سنایا اپنا حال کہتے ہیں کہ سامان دیا تو جا رہا ہے لیکن صرف جان پہچان کے لوگوں کو فیصل آباد کے لوگوں نے کہا کہ آلو کی مصنوعی قلت پیدا کی گئی ہے، پشاور اور دیگر شہروں میں بھی لوگ مہنگائی کے بے قابو جن سے پریشان ہیں