وزیر اعلی سندھ قائم علی شاہ نے کہا ہے کہ بلدیاتی انتخابات کا مطالبہ کرنے والی پارٹیاں ہی اس کے انعقاد میں رکاوٹ بن رہی ہیں۔

لاڑکانہ میں میڈیا سے بات چیت میں وزیر اعلیٰ سندھ کا کہنا تھا کہ بلدیاتی انتخابات میں وہ پارٹیاں رکاوٹ ہیں جو حکومت سے بلدیاتی انتخابات کرانے کی مطالبہ کرتی تھی، انہوں نے سوال کیاکہ بلدیاتی ترامیم پر احتجاج کرنے والی پارٹیاں سندھ اسمبلی میں بل منظور ہوتے وقت کیوں خاموش بیٹھی تھیں ۔

انہوں نے کہا کہ حکومت بلدیاتی انتخابات اپنی مرضی سے نہیں بلکہ سپریم کورٹ کے حکم پر کرا رہی ہے ، قائم علی شاہ کے مطابق لوگوں نے انہیں بتایا ہے کہ کاغذات نامزدگی کا فی مشکل ہیں۔ ان کو پُرکرنے کےلیے بھی وکیل کی ضرورت پڑے گی،انہوں نے کہا کہ جو بلدیاتی ترامیم پر احتجاج صرف مخالفت پینل پر ہونے والے الیکشن پر اعتراض کیا جارہا ہے۔حالانکہ جماعتی بنیاد پرہونے والی انتخابات میں پینل کو پارٹی ٹکٹ دیتی ہے۔
   

پیپلز پارٹی کے رہنما اور سابق وزیر داخلہ رحمان ملک کا کہنا ہے کہ ایم کیوایم کو آج بھی حکومت میں شمولیت کی دعوت دیتے ہیں۔

سابق وزیر داخلہ رحمان ملک نے کراچی میں کرسمس کی تقریب سے خطاب کرتے ہوئے کہا کہ ملک میں جتنی یکجہتی ہوگی اتنے ہی عوام کے مسائل حل کرنے میں مدد ملے گی۔

کراچی میں آپریشن کے حوالے سے ان کا کہنا تھا کہ ہر شہری چاہتا ہے کہ جرائم پیشہ افراد کے خلاف آپریشن جاری رکھا جائے۔ ایم کیوایم کے حوالے سے رحمان نے کہا کہ ایم کیوایم کو آج بھی حکومت میں شمولیت کی دعوت دیتے ہیں۔

ہیسکو نے حکومت سندھ کےچودہ اضلاع میں چھ ہزار کنکشنز منقطع کردئیے، ادارہ صحت، ادارہ تعیلم، ٹاون میونسپل ایڈمینسٹریشن اور دیگر شامل ہیں، حکومت سندھ کی جانب سے حیسکو کی 24 ارب کے واجبات کے باعث کنکشن منقطع کردئیے حیدرآباد شہر کو پانی فراہم کرنےو الے ادارہ واسا کی جانب 6 ارب 50 کروڑ کے واجبات کے باعث 202 کنکشنز منقطع کردئیے گئے، حیسکو کی جانب سے نادہندگان کی رپورٹ ایف آئی اے کے حوالے کردی گئی جس میں سندھ حکومت کانام بھی شامل ہے۔

قائد حزب اختلاف خورشید شاہ نے کہا ہےعمران خان پہلے خیبر پختونخوا کو ٹھیک کریں، پھر سندھ اور پنجاب جائیں، سکھر میں میڈیا سے گفتگومیں اپوزیشن لیڈرخورشیدشاہ کاکہنا تھا لڑائیوں سے چیزیں ٹھیک نہیں ہوں گی، انھیں احساس ذمہ داری ہے، حکومت کو وقت دینا چاہتے ہیں ۔

انھوں نے کہا چوہدری نثار بادشاہ آدمی ہیں، اُنھیں پارلیمنٹ کے آدھے پیسے واپس کرنےچاہئیں، انھوں نے کہا فضل الرحمن کادھرنےکااعلان انتہائی غلط ہے، مسئلے کا حل پارلیمنٹ ہے، شور شرابا کر نے سے بہتر فورم پارلیمنٹ ہے۔

سکھر بیراج سے متعلق سوال پرخورشید شاہ کا کہنا تھا جن ماہرین نے سکھربیراج کی عمر زیادہ بتائی ہے اگر سندھ کو کچھ ہو گیا تو ذمے دار وہ ہی ہونگے۔