کیبل آپریٹرز ایسوسی ایشن نے حکومت کی جانب سے لگائے گئے ٹیکس مسترد کردیئے ہیں، ایسوسی ایشن کے چیئرمین خالد آرائیں اورمرکزی جنرل سیکرٹری عمران ندیم نے کہا ہے کہ چاہے کچھ بھی ہوجائے، ایف بی آر کی جانب سے لگائے جانیوالے نئے ٹیکس کوئی بھی کیبل آپریٹر ادانہیں کرے گا۔

نیشنل پریس کلب میں پریس کانفرنس سے خطاب کرتے ہوئے کیبل آپریٹرز ایسوسی ایشن کے عہدیداروں کا کہنا تھا کہ حکومت کو اپنے مطالبات کے حوالے سے آگاہ کردیا ہے، مطالبات نہ مانے گئے تو اگلے ماہ پمرا آفس کے سامنے دھرنا اور بھوک ہڑتالی کیمپ لگائیں گے۔

کیبل آپریٹرز کو ابھی انڈسٹری کا درجہ بھی نہیں دیا گیا اور اتنے ٹیکس نافذ کردیئے گئے ہیں، ہم پمرا کا آدھا بجٹ دیتے ہیں، ٹی وی مالکان نئے کیبل آپریٹرز کے گروپ کوتسلیم نہ کرے اورنہ ہی ان کے ہاتھوں بلیک میل ہوںں۔

ٹیکسز کا نفاذ جاری رہا تو اس شعبے سے وابستہ دس لاکھ افراد بحران کا شکار ہوجائیں گے، ہمارا مطالبہ ہے کہ وفاقی وزیر اطلاعات اس سارے معاملے کا نوٹس لیتے ہوئے ٹیکس کوختم کروائیں۔

چیف جسٹس سپریم کورٹ تصدق حسین جیلانی نے کہا ہے سپریم کورٹ کی عزت میں اس کے فیصلے ہی نہیں اسٹاف کی کارکردگی کابھی کردارہے۔

اسلام آباد میں چیف جسٹس تصدق حسین جیلانی کاسپریم کورٹ کے اسٹاف سے خطاب میں کہنا تھا ۔ یہ بات خوش آئند ہے کہ سپریم کورٹ سٹاف کے حوالے سے کرپشن کی کوئی ایک بھی شکایت نہیں ۔ سپریم کورٹ کے عملے کاایمانداراورتندہی سے کام کرنا ہی سپریم کے عزت اوروقار کی علامت ہے۔

سپریم کورٹ کی عزت میں اس کے فیصلے ہی نہیں بلکہ اسٹاف کی کارکردگی کابھی کردارہے ۔ چیف جسٹس کا کہنا تھا سپریم کورٹ اسٹاف کے مسائل کے حل کیلئے دورکنی تشکیل دیدی ہے اور سروس رولز پر بھی نظرثانی کی جائے گی۔

وزیر پانی و بجلی عابد شیر علی نے قومی اسمبلی کو بتایا کہ ملک میں چار سے چھ گھنٹے کی لوڈشیڈنگ کا فیصلہ کرلیا گیا ، نہوں نے دعوی کیا کہ بلوچستان کے علاوہ کہیں اور لوڈ شیڈنگ نہیں کی جارہی۔

قومی اسمبلی میں پانی و بجلی کے وزیر مملکت عابد شیر علی نےانکشاف کیا ہے کہ بلوچستان کے علاوہ ملک کے کسی علاقے میں بجلی کی لوڈشیڈنگ نہیں کی جارہی ہے، تاہم نہروں میں پانی کی کمی کے باعث چند ماہ لوڈشیڈنگ کرنا پڑے گی۔

وزیر پانی وبجلی کا مزید کہنا تھا کہ سندھ میں مختلف علاقوں کے ذمہ سولہ ست سترہ ارب روپے کی ادائیگیاں باقی ہیں ، کے ای ایس سی کو ہدایت کی ہے کہ وہ کنڈا سسٹم ختم کرے، بجلی چوری کی روک تھام کے لئے موثر اقدامات کئے جارہیں ہیں ۔
   

پنجاب میں بلدیاتی انتخابات کے لئے الیکشن کمیشن نے امیدواروں کے لئے کاغذات نامزدگی کی چھپائی اورتقسیم کا عمل مکمل کر لیا ہے، پنجاب میں امیدواروں کے لیے کاغذات نامزدگی کل سے دستیاب ہوں گے۔ صوبہ سندھ میں بلدیاتی انتخابات کے لیے کاغزات نامزدگی کی پرنٹنگ کا عمل مکمل ہوگیا ہے ۔

الیکشن کمیشن کے مطابق۔پینل کیلئے بیلٹ پیپر کا رنگ سبزجبکہ ڈسٹرکٹ کونسل کے ووٹ کیلئے بیلٹ پیپر کارنگ آف وائٹ ہوگا۔ صوبائی الیکشن کمیشن کے مطابق کراچی میں دوسو اڑسٹھ یونین کمیٹیوں کیلئے مختلف سیاسی جماعتوں کے علاوہ آزاد پینل بھی الیکشن میں حصہ لے سکیں گے۔

سندھ میں کاغذات نامزدگی چوبیس دسمبر سےجاری کئے جائیں گے جو متعلقہ ڈسٹرکٹ ریٹرنگ آفیسر کے دفاتر میں 26سے 29دسمبر تک جمع کرائے جاسکتے ہیں 31دسمبر کو انتخابی امیدواروں کے حوالے سے اعتراضات جمع کرائے جائیں گے۔

کاغذات کی جانچ پڑتال یکم جنوری سے پانچ جنوری تک ہوگی اعتراضات کے خلاف اپیل 6اور 7جنوری کو داخل کی جاسکتیں ہیں ۔ جبکہ بارہ جنوری تک کاغذات وا پس لئے جاسکیں گے۔ جبکہ تیرہ جنوری کو امیدواروں کو انتخابی نشان الاٹ کیے جائیں گے ۔
   

سکھر ائر پورٹ پرمیڈیا سے بات چیت کرتے ہوئے قائد حزب اختلاف سید خور‍شید احمد ‍شاہ  نے کہا کہ گہما گہمی پارلیمینٹ کی خوبصورتی ہوتی ہے چودھری صاحب جزباتی ہوکر ایسی باتیں کرتے ہیں، سیاست میں جھگڑا نہیں نظریے پر بات چیت ہوتی ہے، کوئی بھی جماعت مڈٹرم انتخابات نہیں چاہتی، پتہ نہیں چودھری صاحب نے کس فلسفے سے بات چیت کی ہے، یا تو چودھری صاحب جزباتی ہیں یا بات کو نہیں سمجھتے۔

انہوں نے کہا کہ ملک میں معی‍شت کے حوالے سے ڈرامہ حقیقت ہے یا نہیں عوام ہی بتا سکتے ہیں، کہ غریبوں سے نوالے چھینے جا رہے ہیں پھر بھی کوئی ڈرامہ کہتا ہے کوئی تما‍شہ کہتا ہے۔ انہوں نے کہا کہ بلدیاتی انتخابات اٹھارہ کو ہی ہونگے حلقہ بندیوں پر اعتراض کرنے والے عدلیہ سے رجوع کر سکتے ہیں جبکہ اس سے قبل بھی ہمارے خلاف دس جماعتی اتحاد بنا تھا اور اگر ابھی بھی بنتا ہے تو جمہوری عمل ہے ہم پری‍شان نہیں۔

پبلک اکائونٹس کمیٹی کا چیئرمین بن کر خوش نہیں بلکہ ذمہ داری کا احساس بڑھا ہے، پوری کو‍ش‍ش کرونگا کہ اس زمہ داری کے ساتھ انصاف کر سکوں۔ قومی سلامتی پالیسی کی ی‍شکیل وزیر اعظم کی ذمہ داری ہے کیا طے ہوا ہے معلوم نہیں لحاظہ کوئی رائے قبل از وقت دینا ممکن نہیں۔