سابق وزیر اعلیٰ خیبر پختونخوا امیر حیدر ہوتی کا کہنا ہے کہ پرویز خٹک برائےنام وزیراعلیٰ ہیں، صوبے کے تمام فیصلے بنی گالامیں ہوتےہیں، سب سے زیادہ مہنگائی خیبر پختونخوا میں ہے۔،
لیکن عمران خان دھرنا لاہورمیں دے رہے ہیں ، سابق وزیر اطلاعات میاں افتخار حسین نے کہا کہ دہشت گردی کےخلاف آج بھی اےاین پی کی جنگ ہے،عوام دہشت گردوں کاساتھ دینےوالےسیاست دانوں سے جان چھڑا لیں۔
رانا ثنا اللہ کا کہنا ہے کہ بلدیاتی انتخابات میں سونامی ریت کا بگولابن جائے گا۔
وزیر قانون رانا ثنا اللہ نے کہا ہے کہ منفی سیاست تحریک انصاف کاوطیرہ ہے، دھرنے کےبعدمہنگائی ڈرامہ بھی فلاپ ہوگا۔
ان کا کہناہ تھا کہ عوام پوچھتے ہیں کہ عمران خان نےصوبہ خیبرپختونخوامیں کونسی دودھ اورشہدکی نہریں بہائیں، بلدیاتی انتخابات میں سونامی ریت کےبگولےمیں بدل جائےگا۔
رااناثنااللہ کا کہنا تھا کہ حلقہ بندیوں میں دھاندلی کےالزامات عمران خان کاانتخابات سےراہ فرار ہے،در اصل عمران خان کےحواس پرحکومت پنجاب کی اعلیٰ کارکردگی کا شدید دباؤ ہے۔،
وزیر پیٹرولیم کا کہنا ہے پاکستان نے ایران گیس منصوبے پر اب تک کام شروع نہیں کیا۔ وزیر خزانہ نے اعتراف کیا کہ ملک میں مہنگائی بڑھی ہے۔
سینٹ کے اجلاس کی صدارت چیئرمین نیئرحسین بخاری نے کی۔ وزیرخزانہ اسحاق ڈار نے سینٹ کوبتایا کہ پرانے قرضے دینے کیلئے آئی ایم ایف سے نئے قرضے لیئے۔ انھوں نے تسلیم کیا کہ ملک میں مہنگائی بڑھ رہی ہے تاہم حکومت قابو پانے کی کوشش کررہی ہے۔
وزیرپیٹرولیم شاہدخاقان عباسی نے وقفہ سوالات میں ایوان کوبتایا کہ عالمی کنٹریکٹرزپاک ایران گیس منصوبے مین دلچسپی نہیں رکھتے ۔ پاکستان نے ایران گیس منصوبے پر ابتک کام شروع نہیں کیا ہے ،
وزیرپیٹرولیم کاکہناتھا کہ بھارت کے کشن گنگا ڈیم کی تعمیر سے پاکستان میں پانی کے بہاو میں چودہ فی صد اور بجلی کی پیدوار میں سات سو میگا واٹ کی کمی آئے گی ۔اس معاملے پر عالمی ثالثی کافیصلہ رواں ماہ آنے کی امید ہے۔
وزیراعظم سینٹ اب تک کیوں نہیں آئے۔ اس موقف کو لے کر پیپلزپارٹی کے رضا ربانی نے احتجاج کیا اورکہا کہ وہ سینٹ کوبھی جواب دہ ہیں۔ قائد ایوان راجہ ظفرالحق نے کہا کہ وزیراعظم مصروفیت کی وجہ سے نہیں آسکے۔
صوبائی دارلحکومت کے نواحی علاقے پشتون آباد میں مٹھا چوک کے قریب اس وقت زور دار دھماکہ ہواجب وہاں لوگ خریداری میں مصروف عمل تھے،عینی شاہدین کے مطابق دھماکہ ہونے پربھگدڑ مچ گئی اورلوگ مدد کے لئے چیخ وپکار میں مبتلا ہوگئے۔
،دھماکہ کے نتیجے میں ایک شخص جاں بحق اور اٹھائیس افراد سے زائد زخمی ہوگئے جن میں آٹھ بچوں کے علاوہ کثیر تعداد مدرسے کے طلباء کی ہے، دھماکہ سے متعدد دوکانوں کو نقصان پہنچ گیا جبکہ قرب وجوار میں عمارتوں کے شیشے ٹوٹ گئے ،زخمیوں کو سول ہسپتال لایا گیا جہاں سے متعدد کو سی ایم ایچ منتقل کردیا گیا،بم ڈسپوزل اسکواڈ کے مطابق دھماکہ میں دو سے ڈھائی کلو گرام بارودی مواد استعمال کیا گیا۔
وزیر اعظم کے مشیر خصوصی برائے خارجہ امور سرتاج عزیز کا کہنا ہے کہ ڈی ایٹ ممالک کو تجارت اور سرمایہ کاری سے متعلق معاہدوں پر جلد عمل درآمد کرنا ہوگا۔
وزارت خارجہ میں ڈی ایٹ اجلاس سے خطاب کرتے ہوئے سرتاج عزیز نے کہا کہ ترجیحاتی تجارتی معاہدہ پر عمل درآمد کرنے سے یقینی طور پر ڈی ایٹ ممالک کی تنظیم کے اہداف حاصل ہوسکیں گے۔ انہوں نے کہا کہ حکومت پاکستان کاروبار کے لیے بہترین ماحول فراہم کر رہی ہے۔
پاکستان میں توانائی، زراعت ، معدنیات، انجینرنگ اور ٹرانسپورٹ کے شعبوں میں ڈی ایٹ ممالک کے تاجر سرمایہ کاری کر سکتے ہیں۔ ڈی ایٹ اجلاس میںرکن ممالک کے درمیان تجارت کا حجم ڈیڑھ سو ارب ڈالر سے بڑھا کر پانچ سو ارب ڈالر تک لے جانے سے متعلق امور پر تبادلہ خیال بھی کیا گیا۔ ڈی ایٹ اجلاس میں ترکی اور ایران کے وزرائے خارجہ، انڈونیشیا کے نائب وزیر خارجہ، جبکہ بنگلہ دیش، مصر، ملاءیشیا، اور نائجیریا کے سینیر حکام نے شرکت کی۔
پیپلزپارٹی کے رہنما رضا ربانی کہتے ہیں وزیر اعظم جب سے منتخب ہوئے ہیں سینٹ میں نہیں آئے، سینٹ میں وزیر اعظم کا نہ آنا آئین کی خلاف ورزی ہے۔
سینٹ کا اجلاس چیئرمین سینٹ نیر حسین بخاری کی صدارت میں ہوا، اجلاس کے دوران سینیٹر رضا ربانی نے خطاب کرتے ہوئے کہا کہ اٹھارہویں ترمیم کے تحت وزیر اعظم سینٹ کو بھی جوابدہ ہیں۔ وزیر اعظم جب سے منتخب ہوئے ہیں سینٹ میں نہیں آئے۔
سینٹ میں وزیر اعظم کا نہ آنا آئین کی خلاف ورزی ہے، انہوں نے کہا کہ یہ بات واضح ہو رہی ہے کہ حکومت پارلیمان کو کنارے لگا رہی ہے۔
ن لیگ کے رہنما راجہ ظفر الحق نے سینٹ اجلاس کے دوران خطاب کرتے ہوئے کہا کہ وزیر اعظم نے پارلیمانی نظام کیلئے تکالیف اٹھائی جدوجہد کیں، وزیراعظم مصروفیت کی وجہ سے سینٹ میں نہیں آ سکے۔
لوڈ شیڈنگ ختم کرنے کے حکومتی دعوے زبانی کلامی ثابت ہو رہے ہیں۔ وفاقی وزیر پانی و بجلی خواجہ محمد آصف نے گیس کی لوڈ شیڈنگ سے پریشان عوام کو سردیوں میں بھی لوڈ شیڈنگ جاری رکھنے کی خبر سنا کر مزید اذیت سے دوچار کردیا ہے۔
لاہور میں این ٹی ڈی سی ایل کے ترجمان کے مطابق وفاقی وزیر پانی و بجلی خواجہ آصف نے کہا ہے کہ نہروں کی سالانہ بندش اور ملکی صنعتوں کو گیس کی فراہمی یقینی بنانے کیلئے پاور پلانٹس کو گیس کی فراہمی کم کی جائے گی۔
جس کے باعث بجلی کی پیداوار متاثر ہوگی اور آئندہ چند ہفتے مجبورا لوڈشیڈنگ کرنا پڑے گی۔ انہوں نے لوڈشیڈنگ کے باعث ہونے والی تکلیف پر معذرت کرتے ہوئے عوام سے اپیل کی کہ وہ بجلی کی بچت کو یقینی بنائیں تاکہ مشکل صورتحال سے نمٹا جا سکے۔
وزیر خزانہ اسحاق ڈار نے قومی اسمبلی میں پالیسی بیان کے دوران سرکلرڈیٹ کی ادائیگی کی تفصیلات بتاتے ہوئے کہا ایک سو اٹھائیس ارب روپےکےپاکستان انویسٹ منٹ بانڈزجاری کر کے اور ایک سو پینتس ارب روپے نیشنل سیونگ اسکیم کے سرٹیفیکٹ جاری کر کے حاصل کئے گئے۔
انہوں نے کہا کہ گزشتہ حکومت نے پندرہ ماہ سے بجلی پرپانچ سو تین ارب کی سبسڈی ادا نہیں کی تھی جس کے باعث ہرسال سرسٹھ ارب روپےکاسودبھی اداکرنا پڑرہا ہے اور کئی اداروں نےرقم وصولی کیلئے عدالت رجوع کیا ہوا ہے۔
اسحاق ڈار نے بتایا کہ پاکستان کے معاشی پلان کیلئے آئی ایم ایف کوئی ڈیکٹیشن نہیں لیا گیا، اسحاق ڈار نے بتایا رواں مالی سال حکومت آئی ایم ایف پاکستان کو دو ارب بیس کروڑ ڈالر ادا کرے گی، انہوں نے کہا ڈالر کی قدر میں کمی کسی کے دباؤ پر نہیں کی جائے گی۔
عالمی منڈی میں سونے کی قیمت میں تیس ڈالر کی کمی کے بعد چھ ماہ کی کم ترین سطح پر آگئی ہے، سنگاپورمرکنٹائل ایکس چینج میں فی اونس سونے کی قیمت تیس ڈالر کی کمی کے بعد بارہ سو ڈالر ہو گئی ہے۔
معاشی ماہرین کے مطابق امریکی معیشت میں بہتری کے اعداد وشمار اور امریکی مرکزی بینک کی جانب سے امدادی پیکج میں کمی کے باعث عالمی منڈیوں سونے کی قیمت میں کمی ریکارڈ کی جارہی ہے ۔
عالمی منڈی میں کمی کے باعث مقامی مارکیٹ میں سونے کی فی تولہ قیمت میں آٹھ سو روپےتک کی کمی کا امکان ہے ۔
اوپن مارکیٹ کے ساتھ ساتھ انٹر بینک مارکیٹ میں بھی ڈالر کی قدر مسلسل نیچے کی جانب جارہی ہے، انٹر بینک میں ڈالر آج مزید 22پیسے نیچے گرگیا۔
گزشتہ دنوں وزیر خزانہ کی جانب سے ڈالر کی قدر کم ہونے کے پیشن گوئی کے بعد سے ڈالر کی قدر سمبھلنے کا نام نہیں لے رہی، کرنسی مارکیٹ ڈیلز کے مطابق انٹر بینک میں میں ڈالر آج مزید بیئس پیسے نیچے آگیا اور یہ ایک سو چھ روپےچالیس پیسے کا ہوگیا۔
دوسری جانب اوپن مارکیٹ میں ڈالر ایک سو چھ روپےپینتس پیسے میں فروخت ہوتے دیکھا گیا۔ڈیلرز کا کہنا ہے کہ وزیر خزانہ کے بیان سے ایک طرف ڈالر کی خریداری کا زور ٹوٹا تو دوسری جانب مستحکم ہوتے روپے کو دیکھتے ہوئے ایکسپورٹرز نے بھی اس کی فروخت میں تیز ی کردی۔
