کراچی میں فائرنگ اور پرتشدد واقعات میں ایک شخص جاں بحق اور دو زخمی ہوگئے، سی آئی ڈی انسداد دہشت گردی یونٹ نے کارروائی کرتے ہوئے بینک ڈکیتی میں ملوث نو رکنی گروہ گرفتار کرلیا۔

کراچی میں فائرنگ اور پرتشدد واقعات کا سسلسلہ تھم نہ سکا۔۔پولیس حکام کے مطابق بلدیہ ٹاون میں تھانہ سعیدا ٓباد کے حدود سے بائیس سالہ نوجوان کی تشدد زدہ لاش ملی، کورنگی اور اورنگی ٹاؤن میں فائرنگ سے دو افراد زخمی ہوئے۔

پولیس اور رینجرز کی کارروائیاں بھی جاری ہیں ۔سی آئی ڈی انسداد دہشت گردی یونٹ نے کارروائی کرتے ہوئے بینک ڈکیتی میں ملوث نو رکنی گروہ کو گرفتار کرلیا، ملزمان سے لوٹی گئی رقم اور سیکیورٹی گارڈ سے چھینا گیااسلحہ برآمد ہوا۔۔یوسف پلازہ کی حدود میں پولیس نے کارروائی کرکے ایک ملزم کو گرفتار کرلیا۔ لیاری کے علاقے شاہ بیگ لین میں رینجرز نے کارروائی کرتے ہوئے گینگ وار کے ایک ملزم کو گرفتارپکڑ لیا۔

تھانہ شریف آباد کی حدود میں پولیس نے اسٹریٹ کرائم اور ڈکیتی وارداتوں میں ملوث ملزم کو حراست میں لے لیا ۔۔۔گذشتہ روز ہر کے مختلف علاقوں میں ہونے والے چار دھماکوں کے مقدمات متعلقہ تھانہ جات میں درج کردیے گئے ۔

ایم کیو ایم مضافاتی آرگنائزنگ کمیٹی کے زیر اہتمام سندھ لوکل گورنمنٹ ایکٹ اور نئی حد بندیوں کے خلاف ملیر پریس کلب پراحتجاجی مظاہرہ کیا گیا،خواجہ اظہار الحسن کہتے ہیں دھونس ، دھاندلی سے الیکشن کرائےگئےتوتمام جماعتیں اس کو مسترد کردیں گی۔

احتجاجی مظاہرے میں اراکین رابطہ کمیٹی اور صوبائی اسمبلی اور عوام کی بڑی تعداد نے شرکت کی اور بلدیاتی قانون کے خلاف شدید نعرے بازی کی، احتجاجی مظاہرے سے خطاب کرتے ہوئے خواجہ اظہار الحسن کا کہنا تھا کہ بلدیاتی نظام پر مسئلہ مخالفت کا نہیں بلکہ پیپلز پارٹی جعلی طریقے سے اپنا میئر لانا چاہتی ہے، انہوں نے کراچی آپریشن کا ڈرامہ ہو یا من مانی حلقہ بندیاں ہوں ایم کیو ایم کسی ناانصافی پر سر نہیں جھکائے گی، کالا بلدیاتی نظام کسی ایک جماعت کے ساتھ نہیں بلکہ پورے صوبے کے ساتھ زیادتی ہے ، تمام اپوزیشن جماعتیں غیر قانونی بلدیاتی نظام کو مسترد کرچکی ہیں،

حکومت سندھ نے اپنے مفادات کے لیے بلدیاتی نظام کو بار بار پامال کرکے جمہوریت کا چہرہ مسخ کردیا ہے ، اس موقع پر رکن رابطہ کمیٹی اشفاق منگی کا کہنا تھا کہ بلدیاتی اداروں پر غیر قانونی طریقے سے حکومت سندھ قبضے کی سیاست کررہی ہے، سندھ کے عوام سیاہ بلدیاتی قانون کو مسترد کرچکے ہیں اوراس ناانصافی کے خلاف آخری حد تک صدائے احتجاج بلند کرتے رہیں گے، عوام کو بے وقوف بنایا جارہا ہے، جو لوگ چاہتے ہیں ایم کیو بلدیاتی انتخابات کا بائیکاٹ کرے ان کی سازشیں کامیاب نہیں ہوں گی ، احتجاجی مظاہرے سے دیگر نے خطاب کرتے ہوئے کہا کہ مقامی حکومتوں کا فیصلہ وڈیرے نہیں بلکہ عوام کرے گی اور عوام جس کو منڈیٹ دیں گے اس کا میئر منتخب ہوگا۔