ایم کیو ایم سمیت سندھ کی اپوزیشن جماعتوں نے اسمبلی اجلاسندھ میں اپوزیشن جماعتوں کی اسمبلی اجلاس کے لئے ریکوزیشن جمعس بلانے کیلئے ریکوزیشن جمع کرادی، لیکن تحریک انصاف نے معذرت کرلی۔

ترمیمی آرڈنینس پر اپوزیشن جماعتیں اکٹھا ہوگئی ہیں، آرڈیننس کو یکساں مسترد کرتے ہوئے ایوان میں زیر بحث لانے کے لیے اسمبلی اجلاس بلانے کے لیے متحدہ نے سیاسی جماعتوں سے رابطوں کے بعد پارلیمانی پارٹی کا اجلاس منعقد کیا۔

اجلاس میں سندھ بھر میں حلقہ بندیوں اور ترمیمی آرڈیننس پر مشاورت اور اظہار تشویش کے بعد اسمبلی اجلاس بلانے کے لیے اپوزیشن جماعتوں متحدہ، ن لیگ اور فنکشنل لیگ کے تنتالیس ارکان اسمبلی نے مشترکہ ریکوزیشن پر دستخط کرکے سندھ اسمبلی سیکریٹریٹ میں جمع کرادی۔

متحدہ رہنما کا کہنا تھا کہ نظام مخالفین کو کچلنے کا نظام ہے، فنکشنل لیگ کے رہنما نے کہا کہ جمہوریت کے دعوے کرنے والے جمہوریت کے خلاف ہیں، ن لیگ کے رہنما کا کہنا تھا کہ پی پی عوام کو اندھیرے میں رکھ کرمینڈیٹ اور حقوق پر ڈاکہ ڈال رہی ہے، تحریک انصاف نے متحدہ ریکوزیشن کی حمایت سے معذرت کرلی۔
   

کراچی میں پولیس اور رینجرز کے ٹارگٹڈ آپریشن جاری ہیں، احسن آباد میں پولیو ٹیم پرحملے میں ملوث ایک دہشت گرد ہلاک جب کہ ایک کو گرفتار کرلیا گیا، مختلف کاروائیوں میں ٹارگٹ کلرز، بھتہ خوروں سمیت چالیس سے زائد جرائم پیشہ افراد کو گرفتار کرلیا گیا ہے۔

احسن آباد میں پولیس نے انسداد پولیو مہم کی ٹیم پر حملے کی کوشش ناکام بنا دی اورمقابلے کے بعد کالعدم تحریک طالبان سے تعلق رکھنے والے دو دہشت گردوں کو زخمی حالت میں گرفتار کرکے اسلحہ برآمد کرلیا ہے، ملزمان کی شاخت امیر حمزہ اور نور اللہ عرف مصباح الدین کے ناموں سے ہوئی۔

ملزم نوراللہ عرف مصباح دوران علاج ہلاک ہوگیا، بن قاسم میں پولیس نے کاروائی کرتے ہوئے کالعدم تنظیم کے چار کارندے گرفتار کرلئے ہیں، اسپیشل انوسٹی گیشن یونٹ نے سرجانی ٹاون میں کاروائی کے دوران مقابلے کے تین ملزمان کو گرفتار کرلیا ہے، پی آئی بی پولیس نے مختلف کاروائیوں میں مفرور ملزم سمیت تین جرائم پیشہ افراد کو حراست میں لے لیا ہے۔

شہر کے مختلف علاقوں میں ٹارگٹڈ آپریشن کے دوران ٹارگٹ کلنگ، منشیات فروشی اور بھتہ خوری میں ملوث اکیس ملزمان کو گرفتار کرلیا ہے، ملزمان سے دستی بم، ایس ایم جی رائفل اور دیگر اسلحہ برآمد ہوا، ملزمان کا تعلق لیاری گینگ وار اور سیاسی جماعتوں سے ہے۔
   

پاکستان میں غیر قانونی سمز کا کاروبارقابو سے باہرہوگیا، غیر قانونی سمز امن کی دشمن اور اس کے بڑھتے استعمال نے سیکیورٹی اداروں کی ناک میں دم کردیا ہے۔

ایسا لگتا ہے کہ پاکستان میں ٹیلی کام کے شعبے کی جدید ٹیکنالوجی جیسے صرف جرائم پیشہ افراد کیلئے ایجاد ہوئی ہے، اغوا برائے تاوان ہو یا ہو بھتہ وصولی جہاں دیکھو اس غیرقانونی سمز کا کردار ملتا ہے، ایسی سمزسماج دشمن عناصرکا سب سے مہلک ہتھیار بن چکی ہیں۔

افغانستان اور دبئی کی موبائل سمز پاکستان میں بغیر کسی قانون اور ضابطے کے کھلے عام استعمال ہورہی ہیں،غیر قانونی سمز کو جرائم پیشہ افراد ری چارج بھی کرا لیتے ہیں، حکومت کے دعووں کے باوجود غیر قانونی سمز کا استعمال رکنےمیں نہیں آرہا ہے۔

حتی کہ سپریم کورٹ کی ہدایت کے باوجود غیرقانونی سمز کا استعمال جاری ہے، کراچی سے خیبرتک ان غیر قانونی سمز نے سیکورٹی ادارے کی ناک میں دم کررکھا ہے۔
   

ڈی آئی جی ویسٹ جاوید اوڈھو کا کہنا ہے کہ غیر قانونی سموں کا استعمال رک جائے تو جرائم میں ساٹھ سے ستر فیصد تک کمی آجائے گی۔

کراچی میں پریس کانفرنس کرتے ہوئے ڈی آئی جی ویسٹ جاوید اڈوھو نے انکشاف کیا کہ غیر قانونی سموں کے استعمال سے جرائم کی شرح میں اضافہ ہورہا ہے، غیر قانونی سموں کے استعمال سے ڈی آئی جی ویسٹ بھی پریشان ہوگئے۔

ان کا کہنا تھا کہ غیر قانونی سموں کا استعمال اگر رک جائے تو چوری ،اغوا برائے تاوان اور ٹارگٹ کلنگ کی ورداتوں میں کمی آجائے گی، جاوید اوڈھو کا کہنا تھا کہ جرائم میں اضافے کی بہت بڑی وجہ غیر قانونی سموں کا استعمال ہے۔

،حکومتی دعووں کے باوجود غیر قانونی سمیں ہر ایک کی دسترس میں ہیں سڑکوں پر جگہ جگہ موبائل فونزکمپنیاں اپنے اسٹال لگا کر سموں کو پرکشش پیکجز اورکم قیمت کرکے سیل میں فروخت کررہی ہیں لیکن حکومتی اداروں کے کانوں پر جوں تک نہیں رینگ رہی۔

سربراہ مجلس وحدت المسلمین پاکستان کے سربراہ علامہ راجہ ناصر عباس جعفری نے کہا ہے کہ امام بار گاہوں پر حملہ اور علماء کو قتل کرنے والے اسلام کے دشمن ہیں جو شیعہ اور سنیوں کو آپس میں لڑانا چاہتے ہیں۔

لاہور میں مجلس وحدت المسلمین کے دفتر میں ہنگامی پریس کانفرنس کے دوران علامہ راجہ ناصر عباس جعفری کا کہنا تھا کہ راولپنڈی امام بارگاہ پر خود کش حملہ سمیت پنجاب بھر میں ہونے والی تمام تر دہشتگردی کی ذمہ دار پنجاب حکومت پر ہے۔

انتظامہ کی نااہلی کی وجہ سے دہشت گردی میں ملوث کوئی بھی گرفتار نہ ہو سکا، انہوں نے کہا کہ ملک میں دہشتگردوں کی حمایت کرنے والے مدرسے قائم ہیں، جہاں دہشتگرد تیار ہو رہے ہیں۔

علامہ راجہ ناصر عباس کا کہنا تھا کہ پنجاب حکومت دہشتگردوں کے عین مطابق حکومت کر رہی ہے یوں لگتا ہے جیسے پنجاب میں دہشتگرد حکومت کر رہے ہیں، انکا کہنا تھا کہ حکومت کی بنائی ہوئی پالیسیوں کی وجہ سے پنجاب پولیس بھی ناکام ہوچکی ہے۔

انہوں نے کہا کہ امام بارگاہوں پر حملے اور علماء کو قتل کرنے والے اسلام کے دشمن ہیں، جو شیعہ اور سنیوں کو آپس میں لڑانا چاہتے ہیں لیکن شیعہ اور سنی اکٹھے ہیں اور آئندہ بھی اکٹھے رہ کر پاکستان کو آگے لے کر چلیں گے۔
       

سپریم کورٹ کی جانب سے نو فیصد اضافی ٹیکس ختم کرنے کی ہدایت پر اوگرا نے سی این جی کی قیمتوں میں کمی کا نوٹی فیکیشن جاری کر دیا، ایف بی آر نے کمی واپس لینے کے لئے عدالت سے رجوع کرلیا۔

مہنگائی کے ستائے عوام کیلئے خوشخبری ہے کہ اوگرا نے سی اين جی کی قیمتوں میں کمی کا نوٹیفیکشن جاری کردیا ہے، جس سی اين جی کی قيمت ميں ایک روپيہ تیئس پيسے کم ہوگئی ہے۔

ریجن ون کے لئے سی این جی ایک روپے تیئس پیسے جبکہ ریجن ٹو کے لیے سی این جی اکیسٹھ پیسےسستی ہوگئی ہے، سپریم کورٹ کے حکم کے مطابق سی این جی پر عائد جی ایس ٹی کو چھبیس فیصد سے کم کرکے سترہ فیصد کر دیا گیا۔

قیمتوں میں کمی کے بعد خیبر پختونخوا، بلوچستان اورپوٹھوہار میں سی این جی کی نئی چوہتر روپے پچیس پیسے ہوگئی ہے جبکہ سندھ اور پنجاب میں نئی قیمت چھیاسٹھ روپے چودہ پیسے ہوگئی ہے، دوسری جانب ایف بی آر نے کمی واپس لینے کے لئے عدالت سے رجوع کرلیا ہے۔