الیکشن کمیشن آف پاکستان نے سیاسی جماعتوں کے اثاثوں کی تفصیلات جاری کر دیں، پاکستان مسلم لیگ ن آٹھ کروڑ ستاسی لاکھ روپے مالیت کے اثاثوں کے ساتھ ملک کی امیر ترین جماعت بن گئی۔

الیکشن کمیشن کی جانب سے جاری اثاثوں کی تفصیلات کے مطابق پاکستان مسلم لیگ ن کی دو ہزار تیرہ کے دوران کل آمدن انسٹھ کروڑ اڑتیس لاکھ روپے رہی، مسلم لیگ ن نے اپنے کارکنوں سے چوالیس کروڑ اٹھاسی لاکھ روپے چندہ لیا، ن لیگ نے عام انتخابات کی مہم میں چھپن کروڑ روپے جبکہ تفریح پر اڑتیس لاکھ روپے خرچ کیے ۔

پاکستان پیپلز پارٹی کی سالانہ آمدن تین کروڑ چھپن لاکھ روپے ہے، پیپلز پارٹی کا بینک بیلنس انیس کروڑ گیارہ لاکھ روپے ہے، عام انتخابات میں پاکستان پیپلز پارٹی نے تیئس کروڑ بیس لاکھ روپے خرچ کیے۔

متحدہ قومی موومنٹ کے اثاثوں کی مالیت دس کروڑ روپے ہے، ایم کیو ایم کا بینک بیلنس سات کروڑ باسٹھ لاکھ روپے ہے۔

عوامی نیشنل پارٹی کے اثاثوں کی مالیت دو کروڑ اسی لاکھ روپے سے زائد ہے، جماعت اسلامی اکتالیس لاکھ تراسی ہزار روپے مالیت کے اثاثوں کی مالک ہے۔

جے یو آئی کے کل اثاثے گیارہ لاکھ چوبیس ہزار روپے مالیت کے ہیں، جمعیت علمائے اسلام کی آمدن آٹھ لاکھ ،چوالیس ہزار روپے ہے مسلم لیگ ضیاء ملک کی غریب ترین جماعتوں میں شامل ہے، ضیاء کے کل اثاثوں کی مالیت تیس ہزار روپے ہے۔

اسلام آباد ہائی کورٹ نے سابق صدر پر ویز مشرف کی آرٹیکل سکس کے تحت ٹرائل کے حوالے سے دائر تین درخواستوں کا فیصلہ جاری کیا ۔

فیصٓلے میں کہا گیا ہے کہ کیس کے پراسیکیوٹر اکرم شیخ کی ٹی وی شو گفتگو کا کوئ ثبوت پیش نہیں کیا گیا، وزیر اعظم اور پراسیکیوٹر کے ملنے پر عدالت کو کوئی اعتراض نہیں۔

فیصلے میں کہا گیا ہے کہ آرٹیکل سکس کا ٹرائل آرمی ایکٹ کے تحت ممکن نہیں اور قانون اسکی اجازت نہیں دیتا۔

عدالت نے فیصلے میں کہا کہ کیس پر جو اعتراضات لگائے جارہے ہیں اسکی کوئی قانونی حیثیت نہیں، سابق صدر پرویز مشرف نے پر ویز مشرف نے خصوصی عدالت کے قیام کے حوالے سے پراسیکیوٹر اور ججز کے نوٹیفکشن کے حوالے سے تین مختلف درخواستیں دائر کی تھیں۔
   

تحریک انصاف کے چئیرمین عمران خان نے کہا ہےکہ جب تک خیبرپختونخوا میں بلدیاتی الیکشن کے حوالے سے تمام سیاسی جماعتوں کے خدشات دور کیے جائیں گے، امن کے بغیر ملک میں خوشحالی نہیں آسکتی۔

پشاور میں پریس کانفرنس کرتے ہوئے تحریک انصاف کے چئیرمین عمران خان کا کہنا تھا کہ صوبے میں بلدیاتی الیکشن کو شفاف بنانے کیلئے الیکشن عدلیہ کی نگرانی میں کرائے جائیں گے اور تمام سیاسی جماعتوں کے خدشات دور کیے جائیں گے۔

عمران خان کا کہنا تھا کہ پارلیمنٹ متفقہ طور پر قرارداد منظور کر چکی ہے کہ ڈرون حملوں کی صورت میں نیٹو سپلائی بند کردی جائے، تحریک انصاف کے چئیرمین کا مزید کہنا تھا کہ جب تک ملک میں امن قائم نہیں ہوتا اقتصادی خوشحالی نہیں آسکتی کیونکہ امن کے بغیر پاکستان میں کوئی سرمایہ کاری نہیں کرے گا۔