لاہور: امیر جماعت اسلامی حافظ نعیم الرحمان نے غزہ میں جاری اسرائیلی جارحیت کےخلاف وزیراعظم شہباز شریف کے نام خط لکھ دیا۔

تفصیلات کے مطابق جماعت اسلامی پاکستان کے امیر نے وزیراعظم کے نام خط میں لکھا کہ اسرائیلی جارحیت پورے مشرق وسطی اور اسلامی ممالک کیلئے خطرہ ہے، ترکیہ، ایران، ملائیشیا، سعودی عرب ودیگر اسلامی ممالک سے ملکرصورتحال کا مقابلہ کرنا چاہیے۔

حافظ نعیم الرحمان نے شہباز شریف سے آئی پی پیز کے فرانزک آڈٹ کا مطالبہ کردیا

خط کے متن میں کہا گیا کہ یہ مسئلہ اقوام متحدہ سمیت تمام عالمی فورمز پر اٹھانا چاہیے، اسرائیل اور امریکا پر دباؤ ڈالا جائے کہ وہ فوری طور پر فلسطینیوں کیخلاف کارروائیاں بند کردیں۔

غزہ کا وحشیانہ حصار فوری بند کیا جائے، امدادی کارروائیوں کی اجازت دی جائے، او آئی سی کا اجلاس فوری طلب کرکے فلسطینیوں کے تحفظ کا اعلان کیا جائے۔

وزیراعظم کو لکھے گئے خط میں مزید کہا گیا کہ حکومت عالمی سطح پر آواز اٹھائے کہ فلسطین کی سرزمین پر فلسطینیوں کا حق تسلیم کیا جائے۔

غزہ میں بچوں کا قتل عام، سوارا بھاسکر دنیا کی بے حسی پر پھٹ پڑیں

مسلم لیگ ن کے صدر اور سابق وزیراعظم نواز شریف سے سابق وزیر اعلیٰ بلوچستان عبدالمالک بلوچ نے ملاقات کی جس کا احوال سامنے آ گیا۔

اے آر وائی نیوز کے مطابق نیشنل پارٹی کے صدر اور سابق وزیر اعلیٰ بلوچستان عبدالمالک بلوچ نے لاہور میں مسلم لیگ ن کے صدر اور سابق وزیراعظم نواز شریف سے ملاقات کی۔ اس ملاقات میں کیا کچھ ہوا، اس کا اندرونی احوال سامنے آ گیا۔

ذرائع کا کہنا ہے کہ اس ملاقات میں عبدالمالک بلوچ نے نواز شریف کو بلوچستان دورے کی استدعا کی تاہم انہوں نے فوری طور پر بلوچستان کے دورے کا وعدہ نہیں کیا اور کہا کہ اگر سیاسی پیش رفت ہوئی تو وہ (نواز شریف) ضرور بلوچستان کا دورہ کریں گے۔

ذرائع کے مطابق نواز شریف نے کہا کہ وہ وزیراعظم شہباز شریف کو اعتماد میں لے کر اختر مینگل اور بلوچستان کے دیگر اسٹیک ہولڈرز سے بات کریں گے اور صوبے کے لیے کوئی قدم اٹھائیں گے۔

ذرائع نے بتایا کہ اس ملاقات میں نواز شریف نے عبدالمالک بلوچ کے اس موقف سے اتفاق کیا کہ بلوچستان کے مسائل کا حل سیاسی ہے۔

نواز شریف نے یقین دہانی کرائی کہ بلوچستان کے مسائل کے حل کیلیے ان سے جو کچھ ہو سکے گا وہ ضرور کریں گے۔

شہد کی مکھیوں نے حملہ کر کے بکریاں چرانے والے ضعیف العمر شخص کو شدید زخمی کر دیا جو بعد ازاں اسپتال میں چل بسا۔

اے آر وائی نیوز کے مطابق یہ واقعہ پنڈی کے تھانہ کلر سیداں کے علاقے سکوٹ میں پیش آیا۔ جہاں محمد سلیم نامی ضعیف العمر شخص بکریاں چرا رہا تھا۔

اسی دوران قریبی لگے چھتوں سے شہد کی مکھیوں نے اچانک اس پر حملہ کر دیا جس کے نتیجے میں بوڑھا چرواہا شدید زخمی ہوگیا۔

اس کی چیخ وپکار سن کر قریبی علاقے سے لوگ وہاں پہنچے اور چرواہے کو اسپتال منتقل کیا گیا۔ تاہم وہ زخموں کی تاب نہ لاتے ہوئے دوران علاج اسپتال میں ہی چل بسا۔

واضح رہے کہ شہد کی مکھیوں کے حملے میں اس سے قبل بھی کئی افراد اپنی جانوں سے ہاتھ دھو بیٹھے ہیں۔

تاہم دلچسپ امر یہ ہے کہ جہاں کئی لوگ شہد کی مکھیوں کے کاٹے سے ہلاک ہوئے وہیں سعودی عرب میں ایک منفرد واقعہ پیش آیا جہاں ایک خاتون کو شہد کی مکھیوں کے کاٹنے کے بعد جوڑوں کے درد سے نجات مل گئی۔

دوسری جانب حال ہی میں ایک دلچسپ خبر یہ بھی سامنے آئی کہ روس سے تین سال سے جاری جنگ میں اسلحہ اور گولہ بارود ختم ہونے کے بعد یوکرینی فوج شہد کی مکھیوں کے ذریعہ روسی فوج سے لڑنے لگی۔

ویڈیو: یوکرینی فوج روس سے گولا بارود کے بجائے ’’شہد کی مکھیوں‘‘ کے ذریعہ لڑنے لگی!